فوتو: اقوردا
«ۇيىم توراعاسى رەتىندە ۇقشۇ-نىڭ باسقارۋ ورگاندارىنىڭ, سونداي-اق كۇشتەرى مەن قۇرالدارى قۇرىلىمدارىنىڭ جەدەل جانە اسكەري دايىندىعىن كۇشەيتۋ ءۇشىن بىرلەسكەن ءىس-شارالاردى ۋاقتىلى جۇزەگە اسىرۋعا ايرىقشا ءمان بەرەمىز. بيىل كۇزدە قازاقستان اۋماعىندا «مىزعىماس باۋىرلاستىق-2024» جانە «جارتاس-2024» وقۋ-جاتتىعۋ جيىندارىن وتكىزۋگە بەلسەندى ازىرلەنىپ جاتىرمىز», دەدى قاسىم-جومارت توقاەۆ.
پرەزيدەنت توتەنشە جاعدايلاردىڭ الدىن الۋ جانە ونىڭ سالدارىن جويۋ جونىندەگى ىنتىماقتاستىقتى قازاقستاننىڭ ۇقشۇ-عا توراعالىعى كەزىندە باسىمدىق بەرىلەتىن باعىت رەتىندە اتاپ ءوتتى.
«وڭىرىمىزدەگى سۋ تاسقىنىنا بايلانىستى قالىپتاسقان جاعداي تابيعات اپاتىنىڭ قاۋپى قانشالىقتى زور ەكەنىن كورسەتتى. قازاقستانعا ونىڭ سالدارى وڭاي تيمەدى. وسى مۇمكىندىكتى پايدالانىپ, ەلىمىزدەگى سۋ تاسقىنى كەزىندە تىلەۋلەستىك ءبىلدىرىپ, كومەك كورسەتكەنى ءۇشىن مەملەكەتتەرىڭىزگە ريزاشىلىعىمدى بىلدىرەمىن. ءبىز بۇل قولداۋدى جوعارى باعالايمىز», دەدى پرەزيدەنت.
