ونەرلى ورگە جۇزەر

مادەنيەتى وركەندەگەن ەل­­وردامىزدا كەزەكتى قالا­لىق دەلفيلىك ويىندار وتكىزىلدى. ماۋسىمنىڭ 15-16-سى كۇندەرى وتكەن بۇل شارا “ەرلىك داڭقى وشپەيدى” دەگەن اتاۋمەن ۇلى جەڭىستىڭ 65 جىلدىعىنا ارنالدى. قا­زاق ۇلتتىق ونەر ۋنيۆەرسي­تەتىنىڭ قولداۋىمەن ۇلتتىق دەلفيلىك كوميتەت ۇيىم­داس­تىرعان وسى سايىس جاستاردى شىعارماشىلىق پەن ونەرگە باۋلىپ قانا قويماي, تۋعان جەرىنە دەگەن سۇيىسپەنشىلىك پەن پاتريوتتىق سەزىمدى ارتتىرىپ, ەلىمىزدىڭ رۋحاني قۇندىلىقتارىن, تاريحىن تانىپ-بىلۋگە مۇمكىندىك بەرەتىنى ءسوزسىز. بيىلعى بايقاۋعا 60-قا جۋىق دارىندى ونەرپاز جاس قاتىستى. 10 جانە 25 جاس ارالىعىنداعى جاس تا­لانت­تار قاتىساتىن بۇل جارىستاعى سايىسكەرلەر سانى جىلدان جىلعا ارتىپ كەلەدى. وسى ورايدا استانا جاس­تارى اراسىنداعى ونەرسۇيەر قاۋىمنىڭ ۇلعايا تۇسكەن­دىگىن بىردەن بايقاۋعا بولادى. سايىس بىرنەشە نومي­ناتسيالار بويىنشا ءوتتى. اتاپ ايتساق, فورتەپيانو, سكريپكا, ۇلتتىق بي ونەرى, اكادەميالىق ءان ايتۋ, اككوردەون, فوتوگرافيا, سۋرەت ونەرى, ۇلتتىق اسپاپتار جانە تاعى دا باسقا ونەر سالالارى قامتىلدى. قازاق ۇلتتىق ونەر ۋنيۆەرسيتەتىندە وتكەن بۇل سايىستا جاستار تەك ۇزدىك بولۋ ءۇشىن عانا ەمەس, سونىمەن قاتار, بويىنا بىتكەن تالانتىن اشۋعا جانە مادەني تۇرعىدا ءوزىن-ءوزى دامىتۋعا دا ۇمتىلدى. ويتكەنى, ونەرلەرىن ورتاعا سالعان سايىسكەرلەردىڭ بارلىعى دەرلىك حالىق پەن قازىلاردىڭ كوڭىلىنەن شىعىپ, جوعارى دەڭگەيدە ونەر كورسەتتى. بىراق ء“جۇز­دەن جۇيرىك, مىڭنان تۇلپار” دەمەكشى, ارالارىنان ۇزدىكتەرى انىقتالىپ, 12-16 شىلدە ارالىعىندا پاۆلودار قالاسىندا وتەتىن رەسپۋبليكالىق دەڭگەيدەگى ءVى ۇلتتىق دەلفيلىك ويىندارعا جولداما الدى. ولار – نازىككۇل جاڭازاروۆا (سكريپكا), ازيزا ميريۋسۋپوۆا (فورتەپيانو), ناۋرىزىم ىدىرىس, اقبوتا نۇرادينوۆا (قوبىز), جانسۇلتان جۇماعاليەۆ, ايگەرىم ەسەنبەكوۆا (اكادەميالىق ءان ايتۋ) جانە تاعى باسقا جاس وركەندەر. ولار جولدامامەن قوسا, التىن مەدالعا يە بولدى. اريانا بەكبولاتوۆا (فورتە­پيا­نو), اندرەي مارچەنكو (بايان, اككوردەون, گارمون), اسەل ەسبولوۆا (سكريپكا), شىڭعىس راسىلحانوۆ, گۇلنيزا باتالوۆا (ەكەۋى دە اكادەميالىق ءان ايتۋ) سياقتى ونەرپازدار كۇمىس مەدال الىپ, ەكىنشى ورىننان كورىنسە, بوتاگوز تۇرلىبەكوۆا (قوبىز) جانە تۇرسىن تورەمۇراتوۆ (اكادەميالىق ءان ايتۋ) سىندى تالانت يەلەرى قولا مەدالعا قول جەتكىزدى. وسى جەڭىمپازداردان تۇراتىن استانا قالاسىنىڭ قۇراما كومانداسى ەندى رەسپۋبليكالىق دەڭگەيدەگى دەلفيلىك ويىندارعا قاتىسادى. بي-بولات سەيتاق, ەۇۋ-ءدىڭ ستۋدەنتى.