فوتو: unicef.org
ء«بىز سىزدەرمەن, ءبىزدىڭ اقىلدى, تالانتتى, ءۇمىت ارتقان بالالارىمىزبەن ماقتانامىز! ەلىمىزدىڭ بەتكە ۇستار ازاماتتارى بولاسىزدار دەپ سەنەمىن. سىزدەرگە شىن جۇرەكتەن قىزىقتى دا تانىمدى بالالىق شاق, باقىت, دەنساۋلىق جانە اماندىق تىلەيمىن», دەپ جازدى بالا قۇقىقتارى جونىندەگى ۋاكىل.
دينارا بولاتقىزى ەل ازاماتتارىن حالىقارالىق بالالاردى قورعاۋ كۇنىمەن قۇتتىقتاپ, بالالار ەلىمىزدىڭ ەڭ ماڭىزدى قۇندىلىعى ەكەنىن اتاپ ءوتتى.
«بالالاردى قورعاۋ, ولاردىڭ قۇقىقتارىن قامتاماسىز ەتۋ جانە قولايلى ءومىر ءسۇرۋ جاعدايلارىن جاساۋ قوعامنىڭ ءار مۇشەسى ءۇشىن باسىمدىق ەكەنىن ءبارىمىز ءتۇسىنۋىمىز كەرەك. بالالار قاۋىپسىزدىگى مەن ءال-اۋقاتى – ورتاق ماقسات. اتا-انا رەتىندە بالالارىمىزدىڭ تاعدىرى ءۇشىن ءبىرىنشى كەزەكتە ءبىز جاۋاپتى ەكەنىنىمىزدى ۇنەمى ەستە ۇستاۋىمىز كەرەك. ءبىر وكىنىشتىسى, ستاتيستيكا بالالارعا قاۋىپتىڭ ءجيى تونەتىنىن كورسەتەدى. كۇن سايىن 3 بالا تەرەزەدەن قۇلاپ, ۋلانۋدان, جاراقاتتانۋدان, كولىك اپاتىنان قايتىس بولىپ جاتىر. زورلىق-زومبىلىققا قاتىستى تراگەديالاردىڭ كوبىن بولدىرماۋعا بولۋشى ەدى, 70% جاعدايدا اينالاداعى ادامدار ۋاقىتىندا ارەكەت ەتپەدى», دەپ جازدى د.زاكيەۆا.
جازبا يەسى اتا-انالاردى, ەرەسەكتەردى بالالارعا سەزىمتالدىق پەن جاۋاپكەرشىلىك تانىتۋعا, بالالاردىڭ قورعاۋشىسى بولۋعا, ولارعا قيىن جاعدايدا كومەكتەسۋگە, بالالارعا قاتىستى زورلىق-زومبىلىق پەن قاتىگەزدىكتى بولدىرماۋعا شاقىردى.
ء«بىزدىڭ بالالىق شاقتى قورعاۋدىڭ ۇلتتىق جۇيەسىندە ءبىز بيلىكتىڭ بارلىق تارماقتارىنىڭ, ازاماتتىق قوعامنىڭ, ۇكىمەتتىك ەمەس جانە حالىقارالىق ۇيىمداردىڭ تىعىز ءوزارا ءىس-قيمىلى مەن قولداۋىنا سەنەمىز.
ءبارىمىز بىرگە بالالارىمىزدىڭ باقىتتى بالالىق شاعى ءۇشىن قاجەت نارسەنىڭ ءبارىن جاساي الاتىنىمىزعا كامىل سەنەمىن!», دەپ تۇيىندەدى دينارا زاكيەۆا.
