قىتاي ەلشىسىمەن كەزدەستى

كەشە پارلامەنت سەناتى­نىڭ توراعاسى قاسىم-جو­مارت توقاەۆ قىتاي حالىق رەسپۋب­ليكاسىنىڭ قازاق­ستان­دا­عى توتەنشە جانە وكىلەت­ءتى ەلشىسى چجان حانحۋەي­ءدى ونىڭ ءوتىنىشى بويىن­شا قابىلدادى, دەپ حابار­لادى قازاقستان رەس­پۋب­لي­كاسى پارلامەنتى سەنا­تىنىڭ ءباسپاسوز قىزمەتى. سەنات توراعاسى ستراتە­گيا­لىق سيپاتقا يە بولعان قا­زاقستان مەن قىتاي قاتىناس­تارىنىڭ ناتيجەلى دامۋىنا قاناعاتتانعاندىق ءبىلدىردى. ونىڭ پىكىرىنشە, «ءوزارا ءىس-قيمىلدى تابىستى دامىتۋدا مەملەكەت باسشىلارى اراسىنداعى سەنىمدى ۇنقاتىسۋ نەگىزگى ءرول اتقارادى». ق.توقاەۆ ازياداعى ءوزارا ءىس-قيمىل جانە سەنىم شارالارى جونىندەگى كەڭەستى شاقىرۋ ءجا­نە ءبىزدىڭ ەلىمىزدىڭ باسقا دا حالىق­ارالىق باستامالارىن تۇراقتى قولداپ كەلە جاتقانى ءۇشىن قىتايعا قازاقستان تاراپى ءدان ريزا ەكەنىن اتاپ ءوتتى. «شانحايدا اوسشك 4-ءشى ءسامميتىنىڭ تابىستى وتۋىمەن قۇت­تىقتاعىم كەلەدى. اوسشك-گە قىتايدىڭ توراعالىق ەتۋى ونىڭ حالىقارالىق ارەناداعى بەدەلىن ەلەۋلى تۇردە ارتتىرادى», – دەپ اتاپ ءوتتى ق.توقاەۆ. قازاقستان شىۇ-داعى ىنتىماقتاستىقتى ودان ءارى دامىتۋعا مۇددەلى. سە­نات توراعاسى كورشى ەكى ەل دە ەكو­نو­­ميكالىق ىنتىماقتاستىقتى ءورىس­تەتۋدە زور مۇمكىندىكتەرگە يە ەكەنىن, سوندىقتان قازاقستان قى­تاي­دىڭ ۇلى جىبەك جولى تۇجى­رىم­داماسىن تولىقتاي قولداي­تىنىن اتاپ ءوتتى. سەنات توراعاسى ءحوبج تۇ­راق­تى كوميتەتىنىڭ توراعا­سى چجان دەتسزيانعا قازاقستانعا كە­لۋ­­­گە شاقىرۋ جولدادى, ول پار­لا­مەنتارالىق ىنتىماق­تاس­تىقتى نىعايتۋعا ىقپال ەتەر ەدى. قحر ەلشىسى «قىتاي قازاق­ستان­دى تاتۋ كورشى عانا ەمەس, بار­لىق سالا قامتىلاتىن ستراتە­گيا­لىق ارىپتەس دەپ سانايدى, ءبىز قا­زاق­ستاندى بارلىق سالادا قولدايتىن بولامىز», دەپ اتاپ ءوتتى. سەناتپەن ىنتىماقتاستىقتى نىعايتۋعا ءحوبج-نىڭ ازىرلىگىن اتاپ وتە كەلىپ, قىتاي ەلشىسى ءحوبج تۇراقتى كوميتەتىنىڭ توراعاسى چجان دەتسزياننىڭ شاقىرۋىن جەتكىزدى. «ءسىزدىڭ بەيجىڭگە سا­پارىڭىزعا بىزدە ازىرلىك باستالىپ كەتتى, ول پارلامەنتارالىق ىنتىماقتاستىقتى ۇدەتۋگە ىقپال ەتەتىن بولادى», – دەدى قحر ەلشىسى. ول قازاقستان مەن قىتاي اراسىنداعى جان-جاقتى ىنتىماقتاستىقتىڭ نەگىزى توراعا سي تسزينپين مەن پرەزيدەنت نۇرسۇلتان نازارباەۆ ارا­سىنداعى ءوزارا قۇرمەت پەن سە­نىمگە تولى ۇنقاتىسۋ, سونداي-اق, قىتايدىڭ بەلگىلى ۇلى جىبەك جو­لى ەكونوميكالىق بەلدەۋى تۇجى­رىمداماسى دەپ سانايدى.