فوتو: fruitart.kz
ايتا كەتۋ كەرەك, «ەكو-مادەنيەت» - تۇراقتى دامۋدىڭ 13 جىلدىق تاريحى بار ەكولوگيالىق تازا جابىق توپىراق كوكونىستەرىن وندىرەتىن ءىرى اگروونەركاسىپتىك حولدينگتەردىڭ ءبىرى. ءبىر جىل ىشىندە حولدينگ وندىرگەن ءونىم كولەمى 300 مىڭ توننادان اسادى. ءوز كەزەگىندە, قازاقستاندا قۇرىلعان ينۆەستيتسيالىق احۋال جانە ناقتى ءوندىرىستى قولداۋ شارالارى ەل اۋماعىندا ەكونوميكا ءۇشىن ماڭىزدى جوبالاردى ىسكە اسىرۋعا ىقپال ەتەدى.
حولدينگ تۇركىستان وبلىسى كەلەس اۋدانىندا جىلىجاي كەشەنىنىڭ قۇرىلىسىن باستادى. قازىرگى تاڭدا جىلىنا 28 مىڭ توننادان استام قىزاناق وندىرەتىن 51 گا جەر ۋچاسكەسىندە جىلىجاي قۇرۋدىڭ ءبىرىنشى كەزەڭى جۇزەگە اسىرىلىپ جاتىر.
كەزدەسۋگە قاتىسۋشىلار 500 گا جەردى قامتيتىن جىلىجاي كەشەنىنىڭ اۋماعىن كەڭەيتۋ جوباسىن تالقىلادى. بۇل جىل بويى 240 مىڭ توننادان استام كوكونىس وسىرۋگە مۇمكىندىك بەرەدى. وندىرىلەتىن ءونىم ىشكى نارىققا دا جەتكىزىلەدى, سونداي-اق لوگيستيكالىق جانە تاراتۋ ورتالىقتارىنىڭ قازىردىڭ وزىندە پىسىقتالعان ارنالارى ارقىلى شەتەلگە ەكسپورتتالادى.
جوبانىڭ ءبىرىنشى كەزەگىن كەلەسى جىلدىڭ سوڭىنا دەيىن پايدالانۋعا بەرۋ جوسپارلانىپ وتىر.
الەكساندر رۋداكوۆتىڭ ايتۋىنشا, بۇل جىلىجاي سالىنىپ بىتسە, الەمدەگى ەڭ ۇلكەن جىلىجايعا اينالادى. وندا 7 مىڭ جۇمىس ورنىن اشۋ كوزدەلدى. «ەكو-مادەنيەت» حولدينگى جەرگىلىكتى تۇرعىندار ءۇشىن باسەكەگە قابىلەتتى ەڭبەك جاعدايلارىن جاساپ, سونداي-اق الەۋمەتتىك جاۋاپكەرشىلىك شەڭبەرىندە ءوڭىردىڭ دامۋىنا بارىنشا ۇلەس قوسادى.
بۇل رەتتە ۇكىمەت باسشىسى اگروونەركاسىپتىك كەشەندى دامىتۋدىڭ ماڭىزدىلىعىن اتاپ ءوتتى.
«ازىق-ت ۇلىك قاۋىپسىزدىگى, تۇرعىندارىمىزدى ساپالى جانە ارزان ونىمدەرمەن قامتاماسىز ەتۋ - ۇكىمەت جۇمىسىنىڭ باستى باسىمدىعى. ءوسىپ كەلە جاتقان دەموگرافيالىق كورسەتكىشتەردى ەسكەرە وتىرىپ, بۇكىل الەمدە ازىق-ت ۇلىككە دەگەن قاجەتتىلىك تۇراقتى تۇردە ارتىپ كەلەدى. ءبىزدىڭ نارىقتى قامتاماسىز ەتۋگە جانە ءونىمدى ەكسپورتتاۋعا بارلىق مۇمكىندىگىمىز بار. بۇگىن ءبىز اۋىل شارۋاشىلىعى سالاسىن ىشكى قاجەتتىلىكتى تولىعىمەن جابا وتىرىپ جانە ەكسپورت كولەمىن ۇلعايتۋدى جالعاستىرا وتىرىپ, جاڭا دەڭگەيگە كوتەرۋدى ماقسات ەتىپ وتىرمىز. وسى باعىتتا ءبىز ينۆەستورلاردى تارتۋعا مۇددەلىمىز جانە اۋقىمدى جوبالاردى ىسكە اسىرۋعا قولداۋ كورسەتۋگە دايىنبىز», دەدى ولجاس بەكتەنوۆ.
قىرمىزى جۇماعاليقىزى,
ەۇۋ ستۋدەنتى
