گۇلدەندىرۋ جۇمىستارىن «جاسىل قالا قوناەۆ» مەملەكەتتىك كوممۋنالدىق كاسىپورنى جۇزەگە اسىرىپ جاتىر. جىل باسىنان بەرى اتالعان مەكەمە قالاعا 500-دەن اسا اعاش كوشەتتەرىن وتىرعىزعان.
«قالامىزدىڭ ادام قىزىعارلىق اجارلى, كورىكتى بولۋى – ءبارىمىز ءۇشىن زور قۋانىش. بۇگىنگى تاڭدا وتىرعىزىلعان بارلىق اعاشتى كۇتىپ ۇستاۋ, جەرسىندىرۋ ماقساتىندا ولاردى دارۋمەندەرمەن سۋارىپ جاتىرمىز. بۇل جولدا قولدانىلاتىن ميكروەلەمەنتتەردىڭ ادام دەنساۋلىعىنا ەشقانداي زيانى جوق, اللەرگيا تۋدىرمايدى. سونداي-اق تۇرعىندار ءوتىنىشى بويىنشا جارامسىز اعاشتاردى كەسۋ جۇمىستارى دا جۇزەگە اسىرىلادى», دەيدى «جاسىل قالا قوناەۆ» مەملەكەتتىك كوممۋنالدىق كاسىپورنىنىڭ باسشىسى مارك بەيدالي.
جاز ماۋسىمى باستالعالى تۋريستەر سانى ەسەلەپ ارتاتىن قالانىڭ تازالىعىن ساقتاۋ ءۇشىن كۇن سايىن 150 جۇمىسشى تاباندى تۇردە ەڭبەك ەتەدى. سونىمەن قاتار 25 تەحنيكا جۇمىلدىرىلعان.
ەلىمىزدە جۇزەگە اسىپ جاتقان «تازا قازاقستان» ناۋقانى اياسىنداعى بەس اپتالىققا 22 830 تۇرعىن قاتىسىپ, 2 251 اعاش وتىرعىزىلدى.
الماتى وبلىسى
