فوتو: قارجى مينيسترلىگى
اتالعان ءىس-شاراعا قازاقستاننىڭ قىرعىز رەسپۋبليكاسىنداعى توتەنشە جانە وكىلەتتى ەلشىسى ءراپىل جوشىباەۆ تا قاتىسقانىن ايتا كەتەيىك. تاراپتار بيىل ساۋىردە استانادا قازاقستان مەن قىرعىزستاننىڭ پرەزيدەنتتەرى قول قويعان «وداقتىق قاتىناستاردى تەرەڭدەتۋ جانە كەڭەيتۋ تۋرالى شارتتى» جانە «ينۆەستيتسيالاردى ىنتالاندىرۋ جانە ءوزارا قورعاۋ تۋرالى كەلىسىمدى» ىسكە اسىرۋدى تالقىلادى.
ءمادي توكەش ۇلى ايتقانداي, قازاقستان كورشىلەس ەلمەن كوپجوسپارلى ىنتىماقتاستىقتى ودان ءارى نىعايتۋعا مۇددەلى. ماسەلەن, بىرلەسكەن جۇمىستىڭ ناتيجەسىندە 2023 جىلى ءوزارا ساۋدا كولەمى 1,5 ملرد دوللارعا جەتتى. ەندى بۇل كورسەتكىشتى 2 ملرد دوللارعا جەتكىزۋ جوسپارلانىپ وتىر.
«مەنىڭ ويىمشا, مەملەكەت باسشىلارى قول قويعان قۇجاتتار قازاقستان-قىرعىزستان قاتىناستارىنىڭ دامۋىنا تىڭ سەرپىن بەرەدى. بۇعان قازىر بارلىق دەڭگەيدە جولعا قويىلعان بەلسەندى جانە سەنىمدى ساياسي ديالوگ سەپتىگىن تيگىزىپ وتىر. كۇردەلى گەوساياسي جاعدايلارعا قاراماستان ەكى مەملەكەت كەيبىر باعىتتاردا ساۋدا قاتىناستارىن ساقتاپ, نىعايتتى. ءبىز قىرعىز تاراپى سەكىلدى جاقىن ارادا تاۋار اينالىمىن 2 ملرد دوللارعا دەيىن جەتكىزۋ بويىنشا شارالار قابىلداپ جاتىرمىز», دەدى م.تاكيەۆ.
قىرعىزستانعا جۇمىس ساپارىن اياقتاعان بويدا ۆەدومستۆو باسشىسى «قورداي» جانە «قاراسۋ» وتكىزۋ پۋنكتتەرىنىڭ, سونداي-اق قولدانىستاعى اقپاراتتىق جۇيەلەردىڭ جۇمىسىن تەكسەردى.
مينيسترگە شەكارادان ءوتۋ كەزىندە باقىلاۋ جۇرگىزۋ پروتسەستەرى مەن كولىك قۇرالدارىنىڭ ءوتۋ الگوريتمى ايقىن كورسەتىلدى.
ورتا ەسەپپەن العاندا «قاراسۋ» وتكىزۋ پۋنكتى ارقىلى تاۋلىگىنە 500-گە جۋىق جۇك كولىگى,ال «قورداي» ارقىلى 300 كولىكتەي (5 تونناعا دەيىن) وتەدى. شەكارادان ءوتۋ ۋاقىتى شامامەن 25-30 مينۋت.
سونداي-اق ءمادي تاكيەۆ اقپاراتتىق جۇيەلەردىڭ تيىمدىلىگىن, اتاپ ايتقاندا, تاۋارلاردى وتكىزۋ كەزىندە كەز كەلگەن بۇزۋشىلىقتاردى انىقتاپ, الدىن الۋعا مۇمكىندىك بەرەتىن تاۋەكەلدەردى باسقارۋدىڭ اۆتوماتتاندىرىلعان جۇيەسىن باعامدادى.
تۇتاستاي العاندا, مەملەكەتتىك كىرىستەر كوميتەتى ەاەو ەلدەرىمەن بارلىق شەكارادا تاۋارلاردىڭ ەركىن قوزعالىسىن قامتاماسىز ەتىپ كەلەدى. وتكىزۋ پۋنكتتەرىندە باقىلاۋ شارالارى ەاەو تۋرالى شارتتىڭ ەرەجەلەرىنە سايكەس جۇرگىزىلەدى.
