فوتو: Telegram/POLICE_of_KZ
قۇقىق قورعاۋ ورگاندارى ەكىنشى دەڭگەيلى بانكتەرمەن بىرلەسە وتىرىپ, ينتەرنەت-الاياقتىقتىڭ الدىن الۋ بويىنشا تۇرعىندارمەن بەلسەندى جۇمىس جۇرگىزىپ جاتىر. الايدا الاياقتاردىڭ ارباۋىنا كوپ جاعدايدا زەينەت جاسىنداعى قارت ادامداردىڭ ءتۇسىپ جاتقانى قىنجىلتادى.
ماسەلەن, قاراعاندى وبلىسىنىڭ 78 جاستاعى تۇرعىنىنا بەلگىسىز بىرەۋ قوڭىراۋ شالىپ, ناتيجەسىندە زەينەتكەر وعان 750 مىڭ تەڭگە اۋدارىپ جىبەرگەن. كيبەرپوليتسياعا بانكتىڭ قاۋىپسىزدىك توبىنان قوڭىراۋ ءتۇستى. پوليتسەيلەر مەن بانك وكىلدەرىنىڭ وتىنىشىنە قاراماستان, زەينەتكەر اقشانى اۋدارىپ جىبەرگەن. كەيىن بولعان وقيعانىڭ جاي-جاپسارىن تۇسىنگەن زەينەتكەر, اقشاسىن جىمقىرىپ كەتكەن بەلگىسىز بىرەۋدى جاۋاپقا تارتۋ ءۇشىن ارىز جازدى.
پوليتسەيلەر بانك قىزمەتكەرلەرى مەن قۇقىق قورعاۋ قىزمەتى تەلەفون سوعىپ, بانك كارتاسىنىڭ مالىمەتتەرى مەن SMS كودتارىن سۇرامايتىنىن ەسكە سالدى.
قىرمىزى جۇماعاليقىزى,
ەۇۋ ستۋدەنتى
