فوتو: instagram.com/bagdatmussin
«مەن اقش-تا جۇرگەنىمە بىرنەشە كۇن بولدى. بەلگىلى ءبىر ماقساتتار بار. ارينە, مەن ۋادە ەتىلگەندەي, كاسىبي ماسەلەلەردى وتباسىلىق ماسەلەلەرمەن بىرىكتىرۋگە تىرىسامىن. بۇل جولى سۇيىكتىم دينا, كەنجە قىزىم بىرعانىم ۇشەۋمىز شاعىن توپ بولىپ ۇشۋدى ءجون كوردىك», دەپ جازدى باعدات مۋسين الەۋمەتتىك جەلىدەگى پاراقشاسىندا.
ول وسى كۇندەرى Bay Area-دا وتەتىن بىرنەشە ءىس-شارالارعا قاتىسۋدى جوسپارلاپ وتىرعانىن ايتتى.
ء«داستۇر بويىنشا Digital Nomads-پەن ء(بىزدىڭ ايماقتىڭ Bay area - دا ورنالاسقان IT ماماندارىمەن) كەزدەسىپ, ءتۇرلى الەۋمەتتىك باستامالاردى تالقىلايمىز. كەزدەسۋ ءبىز قۇرعان Silkroad يننوۆاتسيالىق حابىنىڭ قابىرعاسىندا وتەدى. ەلىمىزدىڭ سپورتتىق باعدارلامالاۋ فەدەراتسياسىنىڭ باسشىسى بولعاندىقتان, وسى جىلدىڭ قىركۇيەگىندە استانادا زياتكەرلىك سپورتىمىزدان (سپورتتىق باعدارلامالاۋ) الەم چەمپيوناتىنىڭ فينالىن وتكىزۋگە قاتىستى بىرنەشە ۇيىمداستىرۋشىلىق ماسەلەلەردى شەشۋگە بارامىن. ول ءۇشىن مەن ICPC باسشىسى بيلل پوۋچەرمەن جانە ونىڭ كومانداسىمەن كەزدەسەمىن», دەپ ءتۇسىندىردى ەكس-مينيستر.
باعدات مۋسين سونداي-اق باسقا ەلدەردە تسيفرلاندىرۋدىڭ نەگىزىن قالىپتاستىرۋ ماسەلەسىن تالقىلاۋ ءۇشىن ءتۇرلى ۋنيۆەرسيتەتتەردىڭ پروفەسسورلارىمەن بىرنەشە كەزدەسۋلەر وتكىزۋدى جوسپارلاپ وتىر.
«قازاقستاننىڭ تاجىريبەسىن ودان ءارى تاراتۋ قاجەت. اقش ۋنيۆەرسيتەتتەرى بۇعان قىزىعۋشىلىق تانىتادى دەپ ويلايمىن. سونداي-اق ءتۇرلى قورلارمەن, كومپانيالارمەن كەزدەسۋلەر وتەدى. جالپى بۇل ساپارعا جوسپار كوپ. بارلىعىن ورىنداۋعا مۇمكىندىگىنشە تىرىسامىن», دەپ تۇيىندەدى ول.
ەسكە سالايىق, باعدات مۋسين 2020 جىلدىڭ 2 قىركۇيەگى مەن 2024 جىلدىڭ 30 ءساۋىرى ارالىعىندا قازاقستان رەسپۋبليكاسىنىڭ تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى قىزمەتىن اتقارعان ەدى.
