فوتو: جوعارعى سوت
پرەزيدەنتتىڭ مەملەكەت قاراجاتىن قاتاڭ تۇردە ۇنەمدەۋ رەجيمىن ەنگىزۋ تۋرالى تاپسىرماسىن ورىنداۋ بويىنشا ءسا-دە شىعىستاردى جوسپارلاۋعا باقىلاۋ كۇشەيتىلىپ, ولاردىڭ باسىمدىعى ايقىندالدى.
بيىل سوت جۇيەسىندە 13 ميلليارد تەڭگەنىڭ قۇرىلىس جوبالارى جۇزەگە اسىرىلىپ جاتىر.
قازىرگى ۋاقىتتا جاڭا عيماراتتاردا تۇركىستان, پاۆلودار, شىعىس قازاقستان وبلىسىنىڭ گلۋبوكوۆسكي اۋدانىنىڭ جانە اتىراۋدىڭ سوتتارى ورنالاسقان.
جىلدىڭ سوڭىنا دەيىن اباي, باتىس قازاقستان جانە سولتۇستىك قازاقستان وبلىستارىندا 70-كە جۋىق سوت عيماراتىن جوندەۋدەن وتكىزىپ, تاعى ءۇش سوت عيماراتىنىڭ قۇرىلىسىن اياقتاۋ جوسپارلانىپ وتىر.
ءسا باسشىسى نايل احمەتزاكيروۆ وڭىرلىك بولىمشەلەردىڭ نازارىن قارجىلىق ءتارتىپتى قاتاڭ ساقتاۋ قاجەتتىلىگىنە اۋداردى.
اۋماقتىق ورگاندارعا بيۋدجەت قاراجاتىن ءبولۋدىڭ نەگىزدىلىگىنە باقىلاۋدى كۇشەيتۋ, قىزمەتكەرلەردىڭ بيۋدجەت زاڭناماسى, مەملەكەتتىك ساتىپ الۋ جانە بۋحگالتەرلىك ەسەپ سالاسىنداعى زاڭناماسى سالاسىنداعى بىلىكتىلىگىن ارتتىرۋدى قامتاماسىز ەتۋ تاپسىرىلدى.
سونىمەن قاتار اۋديت جانە قارجىلىق قىزمەتتەر بۇزۋشىلىقتاردى انىقتاۋعا جانە تەز ارادا جويۋعا باعىتتالعان.
