جالپى, شاھار اۋماعىندا 140 تۋريزم نىسانى ورنالاسقان. ينۆەستيتسيالىق قارجىعا بوي كوتەرەتىن دەمالىس ورىندارىنىڭ سانى – 6. ونىڭ بىرەۋى بيىل قولدانىسقا بەرىلەدى دەپ جوسپارلانعان, ەكەۋى قۇرىلىس جۇمىستارىنىڭ ءبىرىنشى كەزەڭىن اياقتاپ, بىلتىردان بەرى قىزمەت ەتىپ كەلەدى. ال باسقا عيماراتتار جوسپارعا ساي جوندەۋدەن ءوتىپ جاتىر.
قالالىق جاعاجايدا 40-تان اسا كاسىپكەر جۇمىس ىستەيدى. جاۋاپتى مەكەمە دارەتحانالار, 20 قوقىس جاشىگىن ورناتادى. كاسىپكەرلەر دە ءوز اۋماعىندا اجەتحانا مەن جۋىناتىن ورىن قويۋى قاجەت. سونداي-اق مۇندا اقپاراتتىق باننەرلەر ءىلىنىپ, سۋ كولىگى تۇراعى جاسالادى, بەلگىلەنگەن اۋماقتا عانا ءجۇزۋ ءۇشىن سۋعا پلاستيك زاتتار (بۋي) قويىلادى. جازعى ماۋسىمدا قاۋىپسىزدىكتى ساقتاۋ ماقساتىندا 50 قۇتقارۋشى, 7 ءجۇزۋ قۇرالى جۇمىلدىرىلادى.
قالاداعى تۋريزم سالاسىنىڭ دامۋىنا اۋقىمدى ءىس-شارالار وتكىزۋ داستۇرگە اينالعان. مىسالى, وتكەن جىلى «Oceanمan», «روك فەستيۆالى», «Rock family fast» ءىس-شاراسى وتكەنى ەل ەسىندە. قالالىق جاعاجايدىڭ ماڭىنداعى پاركتە سپورتتى دامىتۋ ماقساتىندا «كروسسفيت الاڭىن اباتتاندىرۋ» جوباسى ىسكە اسىرىلىپ جاتىر. جالپى الاڭى – 1,470 گەكتار. جوبا بويىنشا شاعىن فۋتبول, باسكەتبول, ۆوركاۋت الاڭدارى ورناتىلادى.
سونىمەن قاتار 5-جاعاجايدا دا قۇرىلىس جۇمىسى ءجۇرىپ جاتىر. مۇندا حالىقتىڭ دەمالۋىنا بارلىق جاعداي جاسالادى. ياعني كيىم اۋىستىراتىن ورىن, دارەتحانالار, قوقىس جاشىگى جوبادا قاراستىرىلعان. اتالعانداردان بولەك, بۇل جەردە ادامداردى كۇننىڭ كوزىنەن ساقتانۋىنا شاتىرلار قويىلعان. قۇتقارۋشىلار وتىراتىن جەر دە بار. فوتوايماق, پيرس تا سالىنىپ جاتىر. جوبانىڭ اياقتالۋ مەرزىمى – شىلدەنىڭ سوڭى. بۇگىندە قۇرىلىس جۇمىسىنىڭ 95 پايىزى اياقتالعان. سپورت الاڭى دا قاراستىرىلعان.
قازىرگى تاڭدا 8-جاعاجايدى اباتتاندىرۋ جوباسىنا تۇزەتۋلەر ەنگىزىلىپ جاتىر. مەردىگەر كومپانيا – «Golden City DS» جشس. بۇل جاعاجايدىڭ اۋماعى 72 مىڭ شارشى مەتردەن اسادى. مۇندا بيزنەس ورىندارى, اكىمشىلىك, مەديتسينالىق نىسان, قۇتقارۋ بەكەتتەرى, پوليتسيا بولىمشەسى, اجەتحانالار مەن جۋىنۋعا ارنالعان ورىن, ۆەلوتۇراق, شەشىنۋگە ارنالعان ورىن, شاتىرلار ورناتىلادى. سونىمەن قاتار جاعاجايدا ءورت قاۋىپسىزدىگىن ساقتاۋ ءۇشىن ارنايى رەزەرۆۋارلار قويىلادى.
قۇرىلىس-مونتاج جۇمىسى جەكە ينۆەستيتسيا مەن بيۋدجەت قارجىسىنا جۇرگىزىلەدى. بيىل جاعاجايلاردى تولىق اباتتاندىرۋ ءۇشىن جوبالىق-سمەتالىق قۇجات دايىنداۋ جوسپارلانعان. قازىرگى تاڭدا «Freedom bank»-ءتىڭ ينۆەستيتسيالىق قارجىسىنا 1 شاقىرىم جاعاجاي اباتتاندىرىلىپ جاتىر.
«شومىلۋ ماۋسىمىنا دايىندىق باستالعانىمەن, ءالى دە قيراعان شاتىرلار مەن تاپشاندار كوپ. بۇل تۋريستەردىڭ ومىرىنە قاۋىپتى. بىرىنشىدەن, وسى ماسەلەنى شەشۋ ماقساتىندا, ەكىنشىدەن, بىرەگەي ساۋلەتتىك كەلبەت جاساپ, دەمالۋشىلاردى تارتۋ ماقساتىندا جوبا ازىرلەدىك», دەپ تۇكش ءبولىمىنىڭ باسشىسى دارحان قاراعونىسوۆ 5-جاعاجايدى مىسالعا كەلتىردى. وندا سپورتپەن اينالىسۋعا, دەمالۋعا, ويىن ويناۋعا, كۇننەن قورعانۋعا, شومىلۋعا بار جاعداي قاراستىرىلعان.
«42 كاسىپكەرگە «قوناەۆ» اكك ارقىلى 2,5 پايىزبەن جەڭىلدەتىلگەن نەسيە الىپ, بيزنەس ورىندارىن وزدەرى سالۋعا مۇمكىندىك بەرىپ وتىرمىز. بيىلعى كەلىسىمشارت 3 جىلعا دەيىن ۇزارتىلادى. اكىمدىك تاراپىنان جول جاساۋ, اباتتاندىرۋ سياقتى جۇمىس ىستەلەدى. جىلىنا 1 ملن-نان اسا تۋريست كەلەتىنىن ەسكەرسەك, بۇل – ەكى تاراپقا دا وڭتايلى شەشىم. كەلىسپەگەن جاعدايدا كەلىسىمشارت بۇزىلىپ, نىسان ينۆەستيتسيالىق قارجىعا سالىنادى», دەدى ءبولىم باسشىسى.
الماتى وبلىسى
