فوتو: ernur.kz
كەزدەسۋگە قاتىسۋشىلار كوميتەتتىڭ «وڭتۇستىك ايماقتاعى اگروونەركاسىپتىڭ جاي-كۇيى: پروبلەمالارى مەن شەشۋ جولدارى» تاقىرىبى بويىنشا تۇركىستان وبلىسىندا وتكەن كوشپەلى وتىرىسىنىڭ قورىتىندىلارىن تالقىلادى. وندا اگروونەركاسىپ كەشەنىن دامىتۋ جانە وزەكتى ماسەلەلەردى شەشۋ جولدارى قارالعان بولاتىن.
سەناتورلار كوشپەلى وتىرىستىڭ قورىتىندىسىندا انىقتالعان پروبلەمالاردى شەشۋ جونىندەگى ۇسىنىمدار توپتاماسىن ازىرلەدى. اتاپ ايتقاندا, ەروزياعا ۇشىراعان جەرلەردى قالپىنا كەلتىرۋ بويىنشا جول كارتاسىن ازىرلەۋ, فەرمەرلەردىڭ گەوبوتانيكالىق جانە توپىراق زەرتتەۋلەرىنىڭ ناتيجەلەرىنە قول جەتكىزۋىن قامتاماسىز ەتۋ ءۇشىن اۋىل شارۋاشىلىعى جەرلەرىنە اۋديت جانە تسيفرلاندىرۋ جۇرگىزۋ ۇسىنىلدى.
سەناتورلار اگروونەركاسىپ سەكتورىنداعى احۋالدى جاقسارتۋ جانە سۋ رەسۋرستارىن باسقارۋ ءۇشىن سۋبسيديالاردى نىسانالى پايدالانۋعا توقسان سايىن مونيتورينگ جۇرگىزۋ, قولايلى ينۆەستيتسيالىق ورتا قۇرۋ, زاماناۋي زەرتحانالار سانىن ۇلعايتۋ جانە فيتوسانيتاريالىق جانە ۆەتەريناريالىق باقىلاۋدى كۇشەيتۋدى ۇسىندى. سونداي-اق جىلىجايلاردى جىلىتۋعا جانە اۋىل شارۋاشىلىعى تەحنيكاسىن جاڭارتۋ دەڭگەيىن ارتتىرۋعا ارنالعان شىعىندار بويىنشا مەملەكەتتىك قولداۋ شارالارىن قاراستىرۋ ۇسىنىلادى.
