وبلىس ورتالىعىنىڭ ساحالين كەنتىندە سۋ قۇبىرى جانە كارىز جەلىلەرىنىڭ قۇرىلىسى ءجۇرىپ جاتىر. جۇمىس اياقتالعاننان كەيىن 1 100-دەن استام تۇرعىن ورتالىق سۋ جانە كارىز جۇيەسىنە قوسىلادى.
جۇمىسشىلار مامىر ايىنىڭ ورتاسىندا ساحاليندە جەلىلەر قۇرىلىسىن باستاپ كەتتى. جوسپار بويىنشا شامامەن 9 شاقىرىم سۋ قۇبىرلارى جانە شامامەن 4,5 شاقىرىم كارىز قۇبىرلارى سالىنادى.
«ساحالين كەنتىندە سۋ قۇبىرى جانە كارىز جەلىلەرىن سالۋ جوباسى حالىقتىڭ تازا اۋىز سۋعا قول جەتكىزۋى جونىندەگى وڭىرلىك باعدارلامالاردى ورىنداۋ شەڭبەرىندە ىسكە اسىرىلىپ جاتىر. قازىر مەردىگەر بەلسەندى جۇمىس ىستەپ ءجۇر. شامامەن 1,5 كم سۋمەن جابدىقتاۋ قۇبىرلارى جانە 300 مەتر كارىز جابدىقتالعان. جۇمىستار ءبىر مەزگىلدە ەكى باعىتتا جۇرگىزىلىپ جاتىر. جوبانى بيىل اياقتاۋدى جوسپارلاپ وتىرمىز. سودان كەيىن مىندەتتى تۇردە اسفالتتاۋ جۇمىستارىن جۇرگىزەمىز», دەيدى قالالىق تكش جولاۋشىلار كولىگى جانە اۆتوموبيل جولدارى ءبولىمى باسشىسىنىڭ ورىنباسارى جانبولات توقمۇرزين.
مەردىگەردىڭ ايتۋىنشا, ماتەريالدار مەن جۇمىس كۇشىنە قاتىستى ماسەلە تۋىنداپ وتىرعان جوق.
ساران زاۋىتىنان جەرگىلىكتى وندىرۋشىلەردىڭ قۇبىرلارى مەن تەمىربەتون ساقينالارى قولدانىلادى. جاڭا جەلىلەرگە ءتورت كوشەنىڭ تۇرعىندارى قوسىلا الادى: تەلمان, كوممۋنيستىك, لينەينايا جانە ليتۆين. بۇل شامامەن 400 ءۇي. قۇرىلىس كەلەشەكتى ەسكەرە وتىرىپ جۇرگىزىلىپ جاتىر, بولاشاقتا قوسىمشا ابونەنتتەردى قوسۋعا مۇمكىندىك تۋادى.
ايتا كەتەيىك, بۇگىندە قاراعاندى وبلىسىندا تۇرعىنداردىڭ 99,2 پايىزى ورتالىق سۋ جۇيەسىنە قوسىلعان. اۋىز سۋمەن قامتاماسىز ەتۋ ماسەلەسىن بيلىك باسىنداعىلار 2025 جىلدىڭ سوڭىنا دەيىن تولىعىمەن جابۋدى كوزدەپ وتىر.
قاراعاندى وبلىسى
