سۋرەتتە: كونفەرەنتسيا قوناقتارى
سونداي-اق قازاقستان تۋريستىك قاۋىمداستىعىنىڭ توراعاسى راشيدا شايكەنوۆا, «تۋريزم يندۋسترياسىنىڭ ۇلتتىق قاۋىمداستىعى» زاڭدى تۇلعالار بىرلەستىگىنىڭ پرەزيدەنتى راۋشان ءشامىل, «قازاقستان رەسپۋبليكاسىنىڭ ورتالىق مەملەكەتتىك مۇراجايىنىڭ» ديرەكتورى راشيدا حاريپوۆا, ءابىلحان قاستەەۆ اتىنداعى مەملەكەتتىك ونەر مۇراجايى ديرەكتورىنىڭ ورىنباسارى ءمولدىر بيگەلديەۆا جانە باسقا دا مادەنيەت جانە تۋريزم سالاسىنداعى قايراتكەرلەر قاتىستى.
مادەني ءىس-شارا تسزيانسۋ ولكەسىندە كوپ ايتىلاتىن «جاسمين» انىمەن باستالدى. قازاقستاننىڭ ۇلتتىق مۋزىكا اسپاپتارى مەن تسزيانسۋدىڭ نازىك, سىرلى, اۋەزدى اۋەنىنىڭ ۇيلەسىمى ەرەكشە اسەر سىيلادى.
«سي توراعا ء«بىر بەلدەۋ – ءبىر جول» باستاماسى جايىندا العاش رەت ءدال وسى جەرگە – قازاقستانعا كەلگەن ساپارىندا ايتتى. ال تسزيانسۋ بولسا, «جىبەك جولى» ەكونوميكالىق بەلدەۋى مەن تەڭىز جىبەك جولىنىڭ توعىسىندا ورنالاسقان, قىتايدىڭ شىعىسىنداعى, تەڭىز جاعاسىنداعى ولكە. «سۋ جانە مادەنيەت» – تسزيانسۋ ولكەسىنىڭ ايقىن سيپاتى. سۋ مەن مادەنيەتتىڭ ۇيلەسىمى ءتسزيانسۋدىڭ عاجايىپ تابيعاتىن, ءتىل ۇيىرەر تاعامدارىن, سونى مادەنيەتى مەن ادەمى ءومىر سالتىن قالىپتاستىردى. بۇگىنگى كونفەرەنتسيا تسزيانسۋ ولكەسى مەن قازاقستان اراسىندا مادەنيەت جانە تۋريزم سالاسىنداعى ىنتىماقتاستىقتى تەرەڭدەتە تۇسۋگە ىقپال ەتەدى», دەگەن تسزيانسۋ ولكەسىنىڭ مادەنيەت جانە تۋريزم دەپارتامەنتى ديرەكتورىنىڭ ورىنباسارى ما لۋن ءسوز سوڭىندا «تسزيانسۋ سۋىنىڭ اۋەنىن» تىڭداپ, قۇلاق قۇرىشىن قاندىرۋ ءۇشىن قازاقستانداعى دوستارىن تسزيانسۋعا شاقىردى.
قىتايدىڭ الماتىداعى باس كونسۋلدىگىنىڭ باس كونسۋلىنىڭ ورىنباسارى ليۋي ي ءوز كەزەگىندە «تسزيانسۋدىڭ بىرەگەي گەوگرافيالىق ورنى ەرەكشە مادەنيەت قالىپتاستىرعانىن, ەكى ەل اراسىندا قارىم-قاتىناستىڭ قارقىندى دامىپ كەلە جاتقانىن» ايرىقشا اتاپ ايتتى.
قىتايدىڭ الماتىداعى باس كونسۋلدىگى ەكى ەلدى جالعاستىرۋشى كوپىر بولىپ وتىر. اسىرەسە,«قازاقستاندىق تۋريزم جىلى» اياسىندا جوعارى دەڭگەيدەگى ىنتىماقتاستىقتى ارتتىرۋعا, بىرلەسكەن مادەني جانە تۋريستىك الماسۋعا ەرەكشە قولداۋ كورسەتۋدە.
كونفەرەنتسيادا ءسوز العان الماتى وبلىسىنىڭ تۋريستىك اقپاراتتىق ورتالىعىنىڭ ديرەكتورى مارات كوشەردىڭ مالىمدەۋىنشە, تسزيانسۋ ولكەسى مادەني جانە تۋريستىك باسقارماسى وكىلدەرىنىڭ ەلىمىزگە ارنايى ات باسىن بۇرىپ كەلۋىنىڭ ماڭىزى زور. اسىرەسە, قىتاي مەن قازاقستان اراسىنداعى ماڭىزدى وقيعالاردى ەسكەرگەندە: 2024 جىل قىتايدا «قازاقستاندىق تۋريزم جىلى» دەپ جاريالانىپ وتىر. بۇل تاراپتار اراسىنداعى ىنتىماقتاستىقتى جانە تاجىريبە الماسۋدى كەڭەيتۋ ءۇشىن جاڭا مۇمكىندىكتەر اشادى.
«تسزيانسۋ – سۇلۋ تابيعاتقا, ەجەلگى ساۋلەتتى قۇرىلىستارعا جانە عاجايىپ تاريحي مادەنيەتكە باي ولكە. الماتى وبلىسى بولسا, اسقار تاۋلارىمەن, ءمولدىر كولدەرىمەن جانە تاريحي ەسكەرتكىشتەرىمەن تارتىمدى. ەكى ولكەنىڭ كەلبەتى ۇقساماعانىمەن, ەرەكشە كورىكتىلىگى جاعىنان ءبىر-بىرىنەن كەم تۇسپەيدى. ەكى تاراپ تا مادەني مۇرالاردى كوزدىڭ قاراشىعىنداي ساقتايدى. سونداي-اق تۇراقتى دامۋدى دا اسا باعالايدى. بۇل مادەنيەت جانە تۋريزم يندۋسترياسىنىڭ دامۋىنا ەلەۋلى ىقپال ەتپەك. ناتيجەلى ءارى ۇزاق مەرزىمدى ىنتىماقتاستىقتى ۇدايى ارتتىرىپ وتىرۋ ءۇشىن ەكى تاراپ تا كۇش-جىگەرىن ايامايدى دەپ سەنەمىز», دەدى مارات كوشەر.
ەكىجاقتى باسقوسۋ اياسىندا تسزيانسۋدىڭ مادەني جانە تۋريستىك ونىمدەرى تانىستىرىلدى. قوناقتارعا تسزيانسۋدىڭ 4 قىرى – بۇكىلالەمدىك مۇراسى, ەجەلگى قالالارى, ماتەريالدى ەمەس مادەني مۇرالارى, ۇلتتىق تاعامدارى مەن بەلسەندى دەمالىس ورىندارى كورسەتىلدى.
«بيىلعى جىل قىتايداعى قازاقستاننىڭ تۋريزم جىلى بولىپ جاريالاندى جانە قازىرگى ۋاقىتتا ەكى ەل اراسىندا وتە تىعىز قارىم-قاتىناس ورناتىلۋدا. ۆيزاسىز رەجيم ءبىزدىڭ پرەزيدەنتتەر ەكىجاقتى كەلىسىمگە قول قويعان 2023 جىلدىڭ 2 قاراشاسىنان باستاپ كۇشىنە ەندى. وسىلايشا, ءتۋريزمنىڭ دامۋى قازىر جاقسى دامىپ كەلەدى. ء«بىر بەلدەۋ جانە ءبىر جول» جوسپارىنىڭ ارقاسىندا ءبىز ۇلى جىبەك جولىن بىرگە دامىتامىز دەپ سەنەمىز. بۇگىنگى تانىسۋدى تىڭداعاننان كەيىن تسزيانسۋ پروۆينتسياسى جەرگىلىكتى پەيزاجدار وتە ادەمى جانە مادەني تۋريستىك رەسۋرستارعا باي ەكەنىنە كوز جەتكىزدىك. ءبىز بۇل سۇلۋلىقتاردى كوزبەن كورۋ ءۇشىن تسزيانسۋعا بارۋىمىز كەرەك», دەدى قازاقستان ۇلتتىق تۋريستىك يندۋستريا قاۋىمداستىعىنىڭ پرەزيدەنتى راۋشان ءشامىل.
تسزيانسۋ ولكەسىنىڭ تۋريستىك يندۋسترياسىنىڭ وكىلى رەتىندە CITS جشق (تسزيانسۋ) قازاقستاندىق STEPSKY تۋروپەراتورىمەن ستراتەگيالىق ىنتىماقتاستىق تۋرالى كەلىسىم جاسادى. تۋريزم نارىعىن بىرلەسە دامىتۋعا ۋاعدالاستى.
ءىس-شارادا تسزيانسۋدىڭ ناقىشتى ويمالارى مەن ماتەريالدى ەمەس مادەني مۇراسى كورسەتىلدى. تسزيانسۋ ولكەسىنىڭ كوركەم ونەر مۇراجايىنان ارنايى الدىرىلعان مۇرالار قوناقتارعا ەرەكشە اسەر سىيلاپ, تسزيانسۋ ولكەسىنىڭ مادەنيەتىن تەرەڭ تۇسىنۋگە مۇمكىندىك بەردى.
تسزيانسۋ ولكەسىنىڭ مادەنيەت جانە تۋريزم دەپارتامەنتىنىڭ دەلەگاتسياسى قازاقستان رەسپۋبليكاسىنىڭ ورتالىق مەملەكەتتىك مۇراجايىن, ءابىلحان قاستەەۆ اتىنداعى مەملەكەتتىك ونەر مۇراجايىن تاماشالاپ, ەكىجاقتى كەلىسسوزدەر جۇرگىزدى.
الماتى وبلىسى
