زاۋىتقا ارنايى بارعان وبلىس اكىمى قۇمار اقساقالوۆ قۇرىلىس بارىسىمەن تانىسىپ, ينجەنەر ماماندارمەن كەزدەستى. باسقوسۋدا كادر دايارلاۋ, ءوندىرىس ورنىنا كىرەبەرىس جول سالۋ جانە ينجەنەرلىك كوممۋنيكاتسيالار جونىندە ءسوز بولدى.
«ينۆەستورلاردى قولداۋ ماقساتىندا تاياۋدا قۋاتى 224 مۆت بولاتىن «باتىس» قوسالقى ستانساسىن ىسكە قوستىق. بۇل ستانسا يندۋستريالىق ايماقتا ورنالاسقان كاسىپورىنداردى قاجەتتى ەلەكتر قۋاتىمەن قامتاماسىز ەتە الادى. مەملەكەت باسشىسى قازاقستان حالقىنا جولداۋىندا اتاپ وتكەندەي, الدىمىزدا ەلدىڭ بەرىك ونەركاسىپتىك قاڭقاسىن قالىپتاستىرۋ مىندەتى تۇر. سوندىقتان وڭدەۋ سەكتورىن جەدەل دامىتۋعا باسا نازار اۋدارۋ قاجەت. پرەزيدەنت تاپسىرماسىنا ساي, يندۋستريالىق سەكتوردا ينۆەستيتسيا تارتۋ جانە جوبالاردى ىسكە اسىرۋ بويىنشا جۇمىس جۇرگىزىلىپ جاتىر. ماسەلەن, وتكەن جىلى ءوڭىر ەكونوميكاسىنىڭ نەگىزگى كاپيتالىنا 554,3 ملرد تەڭگە ينۆەستيتسيا تارتىلدى. جالپى سوماسى 80 ملرد تەڭگەگە جۋىق 12 ينۆەستيتسيالىق جوبا جاسالدى. بيىل 136 ملرد تەڭگەگە 9 ينۆەستيتسيالىق جوبا ىسكە اسىرىلادى», دەدى قۇمار اقساقالوۆ.
شويىن قۇيۋ زاۋىتى مىڭنان اسا ماماندى جۇمىسپەن قامتاماسىز ەتەدى. زاۋىت وبلىس بيۋدجەتىنە جىل سايىن 20 ملرد تەڭگە قارجى تۇسىرمەك.
قوستاناي وبلىسى
