فوتو: ا.بايجۇمانوۆ
سەناتتىڭ ءباسپاسوز قىزمەتى ءمالىم ەتكەندەي, اۋىل شارۋاشىلىعى, سۋ رەسۋرستارى جانە يرريگاتسيا, ساۋدا جانە ينتەگراتسيا مينيسترلىكتەرى وكىلدەرىمەن جانە اتالعان وبلىس اكىمدىگى قىزمەتكەرلەرىمەن كەزدەسۋدە سەناتورلار كوميتەتتىڭ اگروونەركاسىپ بويىنشا تۇركىستان وبلىسىندا وتكەن كوشپەلى وتىرىس قورىتىندىلارىن تالقىلادى.
سەناتورلار كوشپەلى وتىرىستىڭ قورىتىندىسى بويىنشا انىقتالعان پروبلەمالاردى شەشۋ جونىندەگى ۇسىنىمدار توپتاماسىن ازىرلەدى. اتاپ ايتقاندا, ەروزياعا ۇشىراعان جەرلەردى قالپىنا كەلتىرۋ بويىنشا جول كارتاسىن ازىرلەۋ, فەرمەرلەردىڭ گەوبوتانيكالىق جانە توپىراق زەرتتەۋلەرىنىڭ ناتيجەلەرىنە قول جەتكىزۋىن قامتاماسىز ەتۋ ءۇشىن اۋىل شارۋاشىلىعى جەرلەرىنە اۋديت جانە تسيفرلاندىرۋ جۇرگىزۋ ۇسىنىلدى.
سەنات دەپۋتاتتارى اگروونەركاسىپ سەكتورىنداعى احۋالدى جاقسارتۋ جانە سۋ رەسۋرستارىن باسقارۋ ءۇشىن سۋبسيديالاردى نىسانالى پايدالانۋعا توقسان سايىن مونيتورينگ جۇرگىزۋ, قولايلى ينۆەستيتسيالىق ورتا قۇرۋ, زاماناۋي زەرتحانالار سانىن ۇلعايتۋ جانە فيتوسانيتاريالىق جانە ۆەتەريناريالىق باقىلاۋدى كۇشەيتۋدى ۇسىندى. سونداي-اق جىلىجايلاردى جىلىتۋعا جانە اۋىل شارۋاشىلىعى تەحنيكاسىن جاڭارتۋ دەڭگەيىن ارتتىرۋعا ارنالعان شىعىندار بويىنشا مەملەكەتتىك قولداۋ شارالارىن قاراستىرۋ ۇسىنىلادى.
