«حالىق دەنساۋلىعى جانە دەنساۋلىق ساقتاۋ جۇيەسى تۋرالى» كودەكستىڭ, سىرتقى كەشەندى باعالاۋ ناتيجەلەرى جانە اككرەديتتەۋ كوميسسياسىنىڭ شەشىمى نەگىزىندە ءبىرىنشى سانات تاعايىندالا وتىرىپ, 3 جىل مەرزىمىنە اككرەديتتەلگەن دەپ تانىلادى. وسى كۋالىك دەنساۋلىق ساقتاۋ سۋبەكتىسى قىزمەتىنىڭ قازاقستاننىڭ دەنساۋلىق ساقتاۋ سالاسىنداعى اككرەديتتەۋ ستاندارتتارىنا سايكەستىگى تۋرالى كۋالاندىرادى», دەلىنگەن حاتتا.
جالپى, مەديتسيناداعى اككرەديتتەۋ – بۇل دەنساۋلىق ساقتاۋ مەكەمەسىندە حالىققا مەديتسينالىق قىزمەت كورسەتۋدىڭ جوعارى دەڭگەيىنىڭ رەسمي دالەلى. تەكسەرىس كەزىندە ۇلتتىق ستاندارتتار بويىنشا ۇيىمداعى بولىمشەلەر مەن ۇدەرىستەر, ياعني ستراتەگيالىق جانە وپەراتسيالىق جوسپارلاۋ, پاتسيەنتتەردى ەمدەۋ جانە كۇتۋ, پاتسيەنتتەردىڭ قاۋىپسىزدىگى, عيماراتتار, ينفەكتسيانى باقىلاۋ, ساپانى, تاۋەكەلدەر مەن رەسۋرستاردى باسقارۋ, پاتسيەنتتەردىڭ قۇقىقتارىن ساقتاۋ, حالىقپەن جۇمىس جانە كادر ساياساتى باعالانادى. اككرەديتتەۋ مەديتسينالىق ۇيىمنىڭ بەلگىلەنگەن ساپا ستاندارتتارىنا سايكەستىگىن راستايدى. سوندىقتان مەديتسينالىق مەكەمەدە اككرەديتتەۋ تۋرالى سەرتيفيكاتتىڭ بولۋى پاتسيەنتتىڭ قىزمەت ساپاسىنىڭ, جايلىلىعى مەن قاۋىپسىزدىگىنىڭ جوعارى ستاندارتىن كورسەتەدى.
«الماتى كوپسالالى كلينيكالىق اۋرۋحاناسى – الماتى وبلىسىنىڭ حالقى ءۇشىن جەتەكشى مەديتسينالىق قىزمەت كورسەتۋ ورتالىعى. كلينيكادا ەڭ كۇردەلى ناۋقاستاردى ۋاقتىلى دياگنوستيكا جاساۋ جانە ەمدەۋ ءۇشىن بارلىق مۇمكىندىك بار. اۋرۋحانا زاماناۋي دياگنوستيكالىق جابدىقتارمەن قامتىلعان. قازىرگى ۋاقىتتا كلينيكا دارىگەرلەرى 25 باعىت بويىنشا جوعارى تەحنولوگيالىق مەديتسينالىق قىزمەت كورسەتەدى جانە جىل باسىنان بەرى جۇزدەن اسا وپەراتسيا جاسادى. وسىلايشا, كلينيكا رەسپۋبليكالىق دەڭگەيدە جوعارى تەحنولوگيالىق وپەراتسيالار بويىنشا كوشباسشىلىق پوزيتسياعا كوتەرىلدى. اۋرۋحانادا جوعارى ساناتتى 214 بىلىكتى دارىگەر جانە 684 ورتا, كىشى مەديتسينا قىزمەتكەرى جۇمىس ىستەيدى. ولار بىلىكتىلىگىن ارتتىرۋ ماقساتىندا رەسپۋبليكا بويىنشا جانە شەتەلدەردە ۇنەمى ءبىلىم الىپ, تاجىريبە الماسادى», دەيدى IAMS باس ديرەكتورى جۇماعالي يسمايلوۆ.
ءوز كەزەگىندە الماتى كوپسالالى كلينيكالىق اۋرۋحاناسىنىڭ ديرەكتورى ەلميرا بەرىكوۆا ءساتتى اككرەديتتەۋ – بۇل مەديتسينا قىزمەتكەرلەرىنىڭ, اكىمشىلىك قىزمەتكەرلەردىڭ جانە مەكەمە باسشىلىعىنىڭ ۇجىمدىق ەڭبەگى مەن ادالدىعىنىڭ ناتيجەسى ەكەنىن اتاپ ءوتتى.
الماتى وبلىسى
