فوتو: عايساعالي سەيتاق/Kazinform
ورال قالاسى اكىمىنىڭ ورىنباسارى ازامات حالەلوۆتىڭ ايتۋىنشا, 130 باۋ-باقشا سەرىكتەستىگىندە تۇراتىن جەتى مىڭنان استام ساياجاي يەلەرى بىرجولعى الەۋمەتتىك كومەك الدى. ونىڭ ايتۋىنشا, تەحنيكالىق بايقاۋ جۇمىستارىمەن 7 كومپانيا مەن 29 ساراپشى اينالىسادى.
«بۇل ساياجايلار 2500-گە جۋىق ازاماتتىڭ جالعىز باسپاناسى بولعان. كوميسسيا قازىردىڭ وزىندە 1000-عا جۋىق ءۇيدى ساراپتاپ, ونىڭ 650-ىنە قورىتىندى شىعاردى, سوعان سايكەس 287 ءۇي جوندەۋدى قاجەت ەتەدى, 352 ءۇي قاۋىپتى دەپ تانىلدى. ساياجاي ۋچاسكەلەرىنىڭ كوپشىلىگىن ءالى دە سۋ باسقان. سوندىقتان سۋدى سىرتقا شىعارماي تەحنيكالىق تەكسەرۋ نەمەسە باعالاۋ جۇرگىزۋ مۇمكىن ەمەس», دەيدى ا.حالەلوۆ.
اكىمنىڭ ايتۋىنشا, جالعىز باسپاناسى جارامسىز دەپ تانىلعان تۇرعىندارعا قالاداعى شاعىن اۋدانداردا سالىنىپ جاتقان تۇرعىن ۇيلەردەن باسپانا بەرىلەدى. سونداي-اق ەكىنشى نارىقتاعى عيماراتتارداعى پاتەرلەر دە ساتىپ الىنادى.
«500-گە جۋىق ساياجايدىڭ قۇجاتى راسىمدەلمەگەن. ساياجاي كووپەراتيۆتەرىنىڭ توراعالارى بەرگەن مۇشەلىك كىتاپشالارى بويىنشا ساياجاي ۇيلەرىندە تۇرىپ جاتقان وتباسىلار بار. سونداي-اق ۇيلەرىن ساتقاندار نەمەسە بۇزعاندار بار, بىراق ولاردىڭ ۇيلەرى ءالى كۇنگە دەيىن تىزىمدە تۇر. كوپبالالى وتباسىلار جاتاقحانادا ءبىر بولمەلى پاتەرگە يە بولۋى مۇمكىن. 700-گە جۋىق ءۇي يەسىنىڭ م ۇلىكتىك ۇلەسى بار. وسىنىڭ بارلىعىن كوميسسيا قاراپ, قورىتىندى شىعارادى», دەدى ا.حالەلوۆ.
قىرمىزى جۇماعاليقىزى,
ەۇۋ ستۋدەنتى
