فوتو: Polisia.kz
24 مامىرعا قاراعان ءتۇنى ساعات 02:15-تە ەكاتەرينبۋرگ-استانا جولىمەن جاقسى اۋدانى اۋماعىندا ءجۇرىپ كەلە جاتقان پاترۋلدىك ەكيپاج قارسى جولاق بويىمەن قوزعالعان اۋىر جۇك كولىكتى بايقادى.
«پوليتسەيلەر جۇرگىزۋشىگە فارالار مەن ارنايى قۇرىلعى ارقىلى سيگنال بەردى, بىراق جۇك كولىگى قوزعالىسىن جالعاستىردى. كەيىنىرەك انىقتالعانداي, كولىك بۇزىلىپ, جۇرگىزۋشى كولىكتى باسقارا الماعان. سوڭعى مەزەتتە اۋىر جۇك كولىگى جۇرگىزۋشىسى ءرۋلدى بۇرىپ ۇلگەرگەن, ايتسە دە سوقتىعىسۋدى بولدىرماۋ مۇمكىن بولماعان, جۇك كولىگىنىڭ تىركەمەسى پاترۋلدىك كولىككە مەحانيكالىق زاقىم كەلتىردى», دەلىنگەن حابارلامادا.
