ورتاق ىسكە تابيعات جاناشىرلارى, قوعام بەلسەندىلەرى, قالاداعى كاسىپورىندار مەن مەكەمەلەردىڭ وكىلدەرى قاتىستى. م.اۋەزوۆ, ءى.ەسەنبەرلين, اعىباي باتىر كوشەلەرىنىڭ بويى, وزەن جاعالاۋى, جاز ايلارىندا جۇرت شومىلاتىن جاعاجاي مۇنتازداي تازارتىلدى. قالانىڭ ورتالىعىنا ءلۇپ ەتكەن سامال جەلمەن تەربەلەتىن راۋشان گ ۇلى مەن ساندىك بۇتالار ەگىلدى. «جۇمىلا كوتەرگەن جۇك جەڭىل» دەگەندەي, بىرلەسە ىستەگەن سوڭ تىلەگى ءبىر جانداردىڭ الدىنداعى شارۋا ۇركىپ تۇرماي ما؟ اتباسار اگرارلىق يندۋستريالدىق كوللەدجىنىڭ, جاستار رەسۋرستارى ورتالىعىنىڭ وكىلدەرىمەن قاتار, ەرىكتىلەر دە قالانىڭ سىمباتىن كەلتىرۋگە بەلسەنە كىرىستى.
– بۇگىن وتە قۋانىشتىمىن. قالاداعى ەڭبەكتەگەن بالادان ەڭكەيگەن كارىگە دەيىن جۇمىلىپ ەلدىڭ بىرلىگىن كورسەتتى. كوكتەمگى سۋ تاسقىنى كەزىندە ءسال ب ۇلىنگەن جاباي وزەنىنىڭ جاعالاۋى باعزى كوركىن تاپتى. تۇرعان جەرىڭنىڭ, تۋعان ولكەڭنىڭ تازا بولعانىنا نە جەتسىن, – دەيدى اۋداندىق ارداگەرلەر كەڭەسىنىڭ توراعاسى سابىرجان مۇسابەكوۆ.
2 مىڭعا جۋىق ادام جۇمىس ىستەگەننەن كەيىن ناتيجەلى بولارى حاق. اكتسيانىڭ باسىندا ونداعان توننا تۇرمىستىق قالدىق شىعارىلعان ەدى. ال سوڭعى كۇنى قالا كوشەلەرىندە كولدەنەڭ جاتقان ءبىر بۇراۋ قاعىس قالعان جوق. بۇگىنگى شارۋا ەل ىشىندەگى اۋىزبىرلىكتىڭ مىقتى ەكەنىن كورسەتىپ تۇرعانداي. تاعى ءبىر ايتا كەتەرلىگى, اۋداندا 1 613 كوشەت وتىرعىزىلدى. قارتتار ءۇيىنىڭ اۋلاسى تازالاندى. ەڭ باستىسى, وسىنداي ىلكىمدى ءىس ءبىر ساتتىك ناۋقان عانا ەمەس, تۇراقتى داستۇرگە اينالماق.
اقمولا وبلىسى,
اتباسار اۋدانى
