پولشادا مەكتەپپەن قوشتاسۋ كەشىن ەمتيحانعا 100 كۇن قالعاندا وتكىزەدى. مەرەكەلىك ءىس-شارا وتكەن سوڭ وقۋشىلار قايتا دايىندىققا كىرىسىپ, بار ۋاقىتىن وقۋعا ارنايدى. كورشى قىتايدا تۇلەكتەرگە بارىنشا ەركىندىك بەرىلەدى. ولار ءبىر جىل بويى قولدانعان مەكتەپ قۇرالدارىن تەرەزەدەن لاقتىرىپ, ءتۇرلى ويىندار ويناپ, ۇستازدارىمەن بىرگە كوڭىل كوتەرەدى. ەۋروپانىڭ كەيبىر ەلدەرىندە سوڭعى قوڭىراۋدىڭ بەلگىسى رەتىندە ارنايى كيىم ستيلىنە ءمان بەرەدى. دانيادا تۇلەكتەر تەك اق ءتۇستى كيىم كيىپ, قۇلپىناي جەيتىن تاڭعى اسقا جينالادى. ال نورۆەگيالىق تۇلەكتەر وقۋ جىلىنىڭ سوڭعى اپتاسىندا قىزىل مەن كوك ءتۇستى كومبينەزون كيەدى. بۇل – جىلدار بويى ساقتالىپ كەلە جاتقان ءداستۇر. قىزىق.
قوڭىراۋدىڭ تاريحى
ساباقتىڭ باستالۋى تۋرالى العاشقى بەلگى ب.ز.د. ءVىىى عاسىردا بەرىلگەن. ال بۇگىندە بارلىق وقۋ ورىندارىنىڭ ۇنىنە اينالعان قوڭىراۋدىڭ ارعى اتاسى – پلاتون.
ەجەلگى گرەك فيلوسوفى بالالاردى ساباققا سۋ ساعاتىنىڭ كومەگىمەن شاقىرعان. ساعاتتىڭ ديزاينى وتە قاراپايىم. تۇتىككە جالعانعان ەكى ىدىستان تۇردى. ساباق ءجۇرىپ جاتقان كەزدە ۇستىڭگى ىدىستان استىڭعى ىدىسقا سۋ اعىپ, ساباق بىتكەن كەزدە تامشىلاردىڭ اسپاپقا تامعان دىبىسى ەستىلگەن.
قوڭىراۋدىڭ ءبىز بىلەتىن ەلەكترلىك نۇسقاسىن XIX عاسىردا فيزيك دجون ميراند ويلاپ تاۋىپ, XX عاسىردا جۇزدەگەن مەكتەپكە ورناتىلعان. سودان بەرى قوڭىراۋ ءۇنى ءار ادامنىڭ بالالىق شاعىن ەسكە سالاتىن ءتاتتى دىبىسقا اينالدى.
سونىمەن بىرگە «قوڭىراۋ – شىركەۋ ەلەمەنتى» دەگەن تۇسىنىك تە بار.
45 مينۋت
ادامعا ءبىلىم بەرۋدىڭ جولدارى عاسىرلار بويى زەرتتەلىپ, ءتۇرلى كوزقاراسقا بايلانىستى وزگەرىپ وتىرعان. بىراق بالالاردى جاسىنا قاراي توپتاپ, بەلگىلى ءبىر تاقىرىپتى 45 مينۋتتا ءتۇسىندىرۋدى ويلاپ تاپقان ۇستازدىڭ يدەياسى ءالى كۇنگە دەيىن ساقتالىپ كەلەدى.
يان اموس كومەنسكي – ءبىز ۇيرەنگەن وقۋ جۇيەسىن قالىپتاستىرعان تۇلعا. ونىڭ ەنگىزگەن ەرەجەسىنە دەيىن مۇعالىمدەر ءارتۇرلى جاستاعى بالالاردىڭ بارلىعىمەن ءبىر ۋاقىتتا جۇمىس ىستەپ, پاندەردى ارالاس وتكىزە بەرگەن. مۇنداي جۇيەدە ەشقانداي ءبىلىمنىڭ دۇرىس بەرىلمەيتىنىنە كوز جەتكىزگەن كومەنسكي « ۇلى ديداكتيكا» اتتى ەڭبەگىندە وقۋ ۇدەرىسىنىڭ ءتيىمدى تاسىلدەرىن جازدى. سوندىقتان ءار بالانىڭ قۇرداستارىمەن بىرگە ءبىلىم الۋىنىڭ ماڭىزىن ءتۇسىندىرىپ, 45 مينۋتتىڭ ءوزى جاڭا تاقىرىپتى مەڭگەرۋگە جەتكىلىكتى ەكەنىن دالەلدەگەن كومەنسكيدىڭ تاريحتا قالۋى – زاڭدىلىق.
دايىنداعان–
اسەم جاناتوۆا,
ل.ن.گۋميلەۆ اتىنداعى ەۇۋ ستۋدەنتى
