فوتو: digitalbusiness.kz
باعدارلاما «Kinergy» قوعامدىق قورىنىڭ كوممەرتسيالىق ەمەس جوباسى سانالادى. «ياندەكس قازاقستان», «Alstom Foundation», «People Consulting», «Lenovo», «BTS Digital» كومپانيالارى قولداۋ كورسەتكەن ءىس-شارا «Narxoz» ۋنيۆەرسيتەتىندە ءوتتى. مەنتورلاردىڭ جەتەكشىلىگىمەن قىزدار تەحنولوگيالار مەن يننوۆاتسيالار كومەگىمەن الەۋمەتتىك ماسەلەلەردى شەشۋگە ارنالعان 159 ءموبيلدى قوسىمشا ازىرلەدى. وڭىرلىك شارا بارىسىندا 44 كوماندا ءوز جوبالارىن تانىستىرىپ, 6-اۋى حالىقارالىق فينالعا ىرىكتەلدى.
باعدارلاماعا قاتىسۋشىلار 8 جىل ىشىندە الەمدىك فينالدا 6 رەت ەل نامىسىن قورعادى. باعدارلاماعا 8–18 جاستاعى قىزدار تەگىن قاتىسا الادى. وسى جىلداردا ولار 1400 ءموبيلدى قوسىمشا ازىرلەگەن. 2017 جىلى قازاقستان كومانداسى 63 ەلدىڭ اراسىنان دارا شىعىپ, باس جۇلدەنى ەنشىلەگەن ەدى.
وسى جولى وقۋشى قىزدار الەۋمەتتىك كۇن تارتىبىندە تۇرعان تۇرمىستىق زورلىق-زومبىلىقتان قورعاۋ, قۇرىلىس نىساندارىنداعى قاۋىپسىزدىك, قازاق ءتىلىن ۇيرەنۋگە قىزىعۋشىلىقتى ارتتىرۋ, تۇرعىنداردى جەر سىلكىنىسى كەزىندەگى مىنەز-ق ۇلىق قاعيداتتارىنا ۇيرەتۋ, كيبەرقاۋىپسىزدىك, بۋللينگتەن قورعاۋ, ەكولوگيا, ءبىلىم, مەديتسينا سالاسىنا قاتىستى جوبالاردى تانىستىردى.
«Technovation Girls Kazakhstan» قىزدارعا باعدارلامالاۋدى ۇيرەتۋمەن قاتار تەحنولوگيا كوشباسشىلارىنىڭ جاڭا بۋىنىن تاربيەلەۋگە ىقپال ەتەدى. قاتىسۋشى قىزدار كوماندالارى مۇندا تاجىريبە جيناقتاپ, كوپشىلىك الدىندا سويلەۋ داعدىلارىن ۇيرەنىپ, كرەاتيۆتى شەشىمدەر تابۋعا, شىعارماشىلىق ەركىن ويلاۋ ماشىعىن يگەردى. سونىمەن بىرگە ەلىمىزدىڭ وزەكتى الەۋمەتتىك سىن-تەگەۋرىندەرىنە جاۋاپ بەرەتىن ءموبيلدى قوسىمشالارىن دامىتۋدى ۇيرەنىپ, ءارى قاراي جالعاستىرۋعا مۇمكىندىك الدى. باعدارلاما قىزدارعا ءبىلىم داعدىلارىن يگەرۋگە عانا ەمەس, جاڭا سەرىكتەس دوستار تابۋعا ىقپال ەتەدى. بۇگىندە «Technovation Girls» تۇلەكتەرى قازاقستاندا, شەتەلدە بەدەلدى جوعارى وقۋ ورىندارىنىڭ, سونىڭ ىشىندە «Harvard» جانە «Stanford University», باسقا دا ۋنيۆەرسيتەتتەردىڭ ستۋدەنتتەرى اتاندى. بيىلعى قاتىسۋشىلاردىڭ رەكوردتىق سانى قازاقستاننىڭ حالىقارالىق فينالدا جەڭىسكە جەتۋ مۇمكىندىگىن ارتتىرا تۇسەدى», دەيدى «Technovation girls Kazakhstan» باعدارلاماسىنىڭ ەلشىسى ارمان شوقپاروۆ.
«ياندەكس قازاقستان» ازىرلەۋشىسى جانە «Technovation Girls Kazakhstan» تالىمگەرى ينديرا تەمكەشەۆانىڭ ايتۋىنشا, جوباعا قاتىسۋ تالانتتاردى تانۋمەن قاتار, وزىق تەحنولوگيالاردى قولدانا وتىرىپ, ناقتى الەۋمەتتىك ماسەلەلەردى شەشۋگە مۇمكىندىك بەرەدى. «مەنتور رەتىندە وقۋشى قىزدارمەن ءوز بىلىمىممەن, تاجىريبەممەن ءبولىستىم. ولاردى قولداپ, باعىتتاپ وتىردىم. جالپى, «ياندەكستىڭ» 90-نان استام قىزمەتكەرى جوباعا مەنتور, ساراپشى, وفلاين, ونلاين كەزدەسۋلەردە جانە فينالدا قازىلار القاسىنا ارالاسىپ, ءبىلىم بەرۋگە اتسالىستى. قاتىسۋشى قىزداردىڭ تاجىريبەشىلەردەن العان ءبىلىمى ەرەكشە نازار اۋدارۋدى قاجەت ەتەدى», دەيدى ول.
ماركەتينگ, باعدارلامالاۋ, ىسكەرلىك جانە پرەزەنتاتسيا داعدىلارى بويىنشا ءبىلىم بەرۋ مودۋلدەرىن قامتىعان 12 اپتالىق باعدارلاما اياسىندا قاتىسۋشىلار ءۇشىن «ياندەكس قازاقستان» الەۋمەتتىك كاسىپكەرلىك دارىستەر وتكىزدى. وڭىرلىك كەلەسى فينال استانا قالاسىندا 1 ماۋسىمدا وتەدى. قازاقستانداعى وڭىرلىك فينالداردىڭ جەڭىمپازدارى سان-فرانتسيسكودا كرەمني القابىندا وتەتىن حالىقارالىق فينالدا ەل مۇددەسىن قورعايدى.
الماتى
