جوبا وقۋ-اعارتۋ مينيسترلىگىنىڭ باستاماسىمەن جانە ء«بىلىم-يننوۆاتسيا» حقق, «دارىن» رعپو ۇيىمداستىرۋىمەن ءوتتى.
حالىقارالىق «قازاق ءتىلى» قوعامى العاش رەت بۇل ءىس-شاراعا قولداۋ ءبىلدىردى. حالىقارالىق «قازاق ءتىلى» قوعامىنىڭ نەگىزگى جۇمىس باعىتتارىنىڭ ءبىرى – قازاق ءتىلىن وقىتۋداعى ءبىلىم بەرۋ جۇيەسىنە قولداۋ كورسەتۋ. «جارقىن بولاشاق» رەسپۋبليكالىق بايقاۋىنىڭ مەملەكەتتىك ءتىلدىڭ قولدانىس اياسىن كەڭەيتۋ, بالالاردىڭ قازاق تىلىنە دەگەن قىزىعۋشىلىعىن ارتتىرۋ ماقساتى قوعام جۇمىسىمەن ۇندەس كەلەدى.
«حالىقارالىق «قازاق ءتىلى» قوعامى بيىل العاش رەت ءىس-شاراعا ارىپتەس ءارى دەمەۋشى رەتىندە قولداۋ ءبىلدىردى. قوعامنىڭ نەگىزگى جۇمىس باعىتىنىڭ ءبىرى – قازاق ءتىلىن وقىتۋداعى ءبىلىم بەرۋ جۇيەسىنە قولداۋ كورسەتۋ. مەكتەپتەگى ءار بالانىڭ قازاقشا ەركىن ءسوز ساپتاپ, ساۋاتتى دا كوركەم جازۋدى مەڭگەرىپ شىعۋىنا ۇلەس قوسۋ. ول ءۇشىن مەكتەپتەردە «وقۋ ساۋاتى» جانە «جازۋ مادەنيەتى» جوبالارىن ىسكە اسىرۋدىڭ جوسپارىن دايىنداپ جاتىرمىز. ال ء«بىلىم» يننوۆاتسيالىق ليتسەيلەرىمەن بىرگە ۇيىمداستىرىلعان «جارقىن بولاشاق» وليمپياداسى ءدال ءبىز دىتتەگەن ماقساتقا, مەملەكەتتىك ءتىلدىڭ قولدانۋ اياسىن كەڭەيتىپ, وقۋشىلاردىڭ شىعارماشىلىق, ىزدەنۋشىلىك, قابىلەتتەرىن شىڭداۋعا باعىتتالعان. بالالاردىڭ قازاق تىلىنە دەگەن ىقىلاسىن, مادەنيەتىمىز بەن ادەبيەتىمىزگە دەگەن قۇرمەتىن ارتتىرۋعا نەگىزدەلگەن», دەيدى حالىقارالىق «قازاق ءتىلى» قوعامى پرەزيدەنتى راۋان كەنجەحان ۇلى.
ءىس-شاراعا «Altyn Qyran Foundation» قوعامدىق قورى, «Jakko» جانە «Almather» كومپانيالارى دا دەمەۋشىلىك كورسەتكەنىن ايتا كەتەيىك.
