وتكەن عاسىردىڭ 40-جىلدارىندا سالىنعان اپاتتى عيماراتتىڭ ورنىنا سالىنعان جاڭا عيمارات ينكليۋزيۆتى ءبىلىم بەرۋگە لايىقتى جابدىقتالعان. قالا باسشىسى ەربولات دوساەۆ «التىن ساپا ALM» جشس جەكە ينۆەستورىنىڭ دەمەۋشىلىگىمەن سالىنعان الماتى مەملەكەتتىك تەحنولوگيالار جانە فلوريستيكا كوللەدجىن ارالاپ كوردى.
كوللەدجدە قازىرگى كەزدە ءتۇرلى ماماندىق بويىنشا 893 ستۋدەنت ءبىلىم الادى. ولاردىڭ 195-ءى ەرەكشە ءبىلىم بەرۋدى قاجەت ەتەدى. مۇمكىندىگى شەكتەۋلى ستۋدەنتتەرگە الەۋمەتتىك كومەك كورسەتۋ, ساپالى ءبىلىم مەن كاسىبيلىككە بەيىمدەۋدى ماقسات ەتكەن وقۋ ورنى يننوۆاتسيالىق تەحنولوگيالارمەن جابدىقتالعان. جاڭا عيماراتتا شەبەرحانالار, ترەناجەر زالدارى, مۇگەدەكتەرگە ارنالعان سانيتارلىق توراپ, كوتەرگىش, كيىم اۋىستىراتىن بولمەلەر بار. وقىتۋدىڭ وزىق ادىستەرىنە ۇيرەتەتىن كوللەدجدە ەستۋ قابىلەتى شەكتەۋلى ستۋدەنتتەر ەڭبەك نارىعىندا سۇرانىسقا يە ماماندىقتاردى يگەرۋگە مۇمكىندىك الدى. ولار جيھاز ءوندىرىسى, تىگىن جانە كيىم ءوندىرىسى, اياقكيىم تىگۋ, اۆتوموبيل جوندەۋ, كومپيۋتەرلىك اپپاراتتىق وپەراتور, گۇل ءوسىرۋشى سياقتى ماماندىقتاردى مەڭگەرەدى.
الماتى
