فوتو: tengrinews.kz
22 مامىردا باس پروكۋراتۋرا مەن ىشكى ىستەر مينيسترلىگىنىڭ قىزمەتكەرلەرى قر سىرتقى ىستەر مينيسترلىگىنىڭ كومەگىمەن اسا ءىرى كولەمدە الاياقتىق جاساعانى قازاقستان ازاماتىن ازەربايجان رەسپۋبليكاسىنان جەتكىزدى.
«ول 2021-2023 جىلدار ارالىعىندا بىرىككەن اراب امىرلىكتەرىنەن ۇيالى تەلەفونداردى ارزان باعامەن تاسىمالدايتىنى تۋرالى ايتىپ, ازاماتتاردىڭ سەنىمىنە كىرىپ, 21,5 ميلليون تەڭگە كولەمىندەگى قارجىنى قالتاسىنا باسقان. ودان بولەك, 2022 جىلدىڭ قاڭتارىندا كۇدىكتى الاياقتىق جولمەن «Toyota Land Cruiser» كولىگىن يەمدەنىپ, جابىرلەنۋشىگە 24 ميلليون تەڭگە شىعىن كەلتىرگەن», دەلىنگەن حابارلامادا.
رەسمي مالىمەت بويىنشا, قىلمىس جاساعان سوڭ كۇدىكتى قۇقىق قورعاۋ ورگاندارىنان جاسىرىنىپ, حالىقارالىق ىزدەۋگە جاريالانعان.
كۇدىكتى استانا قالاسىنىڭ تەرگەۋ يزولياتورىنا قامالدى. ەندى وعان 5 جىلدان 10 جىلعا دەيىنگى مەرزىمگە باس بوستاندىعىنان ايىرۋ, سونداي-اق مۇلكىن تاركىلەۋ تۇرىندەگى جازا قاراستىرىلادى.
قىرمىزى جۇماعاليقىزى,
ەۇۋ ستۋدەنتى
