قازاقستان – گەرمانيا: پارلامەنتارالىق ىنتىماقتاستىق

سەناتور ەۆگەني بولگەرت قازاق­ستان مەن گەرمانيا دەپۋتات­تا­رى­نىڭ ىنتى­ماقتاستىعى پار­لا­مەنت­ارا­­لىق بايلانىس­تاردى دامىتۋعا ىقپال ەتەتىنىن جەتكىزدى. سونداي-اق قازاقستان پارلامەنتى مەن بۋندەس­تاگ­تىڭ باسشىلىعى جانە دەپۋتاتتا­رى­ دەڭ­گەيىندە بۇدان بىلايعى ساپار الماسۋ ءبىزدىڭ ەلدەرىمىزدىڭ ستراتەگيالىق ارىپ­تەس­­تىگىن تەرەڭدەتەتىنى تۋرالى ايتىلدى.

ء«بىز پارلامەنتارالىق ىنتىماق­تاس­تىقپەن قوسا گفر-مەن تاجىريبە الماسۋعا دا مۇددەلىمىز. ءبىز گەرمانيا باسشىلىعىنىڭ ەلىمىزگە جانە ورتا­لىق ازياعا دەگەن ىنتا-ىقىلاسىن باعا­لايمىز. سونىمەن قاتار بۇرىن ءسىز­دىڭ پارتياڭىز بۋندەستاگتاعى پار­لا­­­م­­­ەنتتىك فراكتسياسى باعىت-باعدار تۇر­­عى­سىندا «ورتالىق ازيا: كوپىر سالۋ جانە مۇمكىندىكتەر بەرۋ» قۇجا­تىن قابىلداعان بولاتىن. وندا كور­سەتىل­گەن تاسىلدەردى ىسكە اسىرۋ گفر-نىڭ قازاق­ستانمەن ىنتىماقتاستىعىن دامى­تۋعا زور سەرپىن بەرەر ەدى», دەدى سەناتور ە.بول­گەرت.

سەناتورلار كەزدەسۋ بارىسىندا مەملەكەت باسشىسى قاسىم-جومارت توقاەۆتىڭ باسشىلىعىمەن قازاقستاندا جۇرگىزىلىپ جاتقان اۋقىمدى قوعام­دىق-ساياسي جانە الەۋمەتتىك-ەكونوميكا­­­لىق جاڭعىرتۋ ساياساتى تۋرالى ارىپتەسى­نە ايتىپ بەردى. قاتىسۋشىلار ەنەرگەتيكا, ينۆەستيتسيا, جاسىل ەكونوميكانى دامىتۋ جانە ت.ب. سالالارداعى ەكىجاقتى ىنتىماقتاستىقتىڭ كەلەشەگىن تالقىلادى.