جاڭا يپوتەكا قانشا جاستى قۋانتادى؟

«ناۋرىز» باعدارلاماسى بويىنشا وتىنىمدەر جۇمىس كۇندەرى ساعات 9.00-دەن 21.00-گە دەيىن قابىلدانادى. باسپانا ماركەت پلاتفورماسى (otbasybank.kz) ساعاتىنا ورتا ەسەپپەن 400 ءوتىنىمدى قابىلداۋعا قابىلەتتى. ءۇش كۇن بۇرىنعى جاعداي بويىنشا بارلىعى 17 432 ادام ءوتىنىم جولدادى. 8 945-ءى ءساتتى قابىلداندى. ولاردىڭ جارتىسى تۇرعىن ۇيگە كەزەكتە تۇرعان حالىقتىڭ الەۋمەتتىك وسال توپ وكىلدەرىنەن تۇسكەن. 2  436 ءوتىنىم قابىلدانباي, كەرى قايتارىلدى. سەبەبى كليەنت دەپوزيتىندە 1 ملن تەڭگە مولشەرىندەگى قاجەتتى سوما جوق بولىپ شىققان. بۇل – «ناۋرىز» باعدارلاماسىنا قاتىسۋدىڭ نەگىزگى شارتتارىنىڭ ءبىرى», دەدى ل.يبراگيموۆا.

وعان قوسا تۇرعىن ءۇيى بار ادامداردىڭ دا ءوتىنىمى قابىل­دان­باعان. تاعى 5 008 ءوتىنىم ءىس ۇدەرىسىندە ەكەن.

«قاتىسۋشىلاردى دۇرلىكتىرمەۋ ءۇشىن وتىنىمدەردى قابىلداۋ مەرزىمى بارىنشا ۇزارتىلدى. ەندى ۇمىتكەرلەردىڭ ماۋسىم ايىنىڭ سوڭىنا دەيىن تاعى ءبىر جارىم اي ۋاقىتى بار. سونداي-اق ءوتىنىم بەرۋ كۇنى مەن ۋاقىتى ۇپاي ساناعاندا ەسكەرىلمەيتىن بولدى. ءوتىنىم قابىلداۋ مەرزىمى اياقتالعاننان كەيىن سارالاۋ باستالادى. باعدارلاماعا قاتىسۋشىلار تىزىمىنە ەڭ كوپ ۇپاي جيناعان ۇمىتكەرلەر عانا كىرەدى», دەيدى.

«وتباسى بانك» اق باسقارۋشى ديرەكتورى جانسۇلتان ماتايدىڭ ايتۋىنشا, ەگەر ەكى قاتىسۋشىنىڭ ۇپاي سانى سايكەس كەلسە, وندا تىزىمگە ەنگىزۋ كەزىندە باسىمدىق سالىم سوماسى كوپ جانە جيناقتاۋ مەرزىمى ۇزاعىراق ادامعا بەرىلەدى.

«پۋلعا كىرگەن قاتىسۋشىلاردىڭ نەسيەگە ءوتىنىم بەرۋگە تاعى 2 اي ۋاقىتى بولادى. زاەم بويىنشا ماقۇلداۋ العان ۇمىتكەردىڭ باسپانا ىزدەۋگە 6 اي ۋاقىتى بار», دەيدى.

ايتا كەتەيىك, «ناۋرىز» باعدارلاماسى اياسىندا العاشقى جارنا 20%-دان باستالادى. تۇرعىن ءۇي كەزەگىندە تۇرعان ازاماتتاردىڭ الەۋمەتتىك وسال ساناتتارى ءۇشىن كرەديت مولشەرلەمەسى – 7%, ازاماتتاردىڭ بارلىق ساناتى ءۇشىن نەسيە مولشەرلەمەسى – 9%, جالپى نەسيە مەرزىم 19 جىلعا دەيىن.

باعدارلامادا باستاپقى باسپانانى جوندەۋ جۇمىس­تا­رى­نا دا اقشا الۋعا بولادى. باستىسى, جوندەۋگە ارنالعان قارىز سوماسى تۇرعىن ءۇي ساتىپ الۋعا ارنالعان كرەديتتىڭ جالپى سوماسىنىڭ 20%-ىنان اسپاۋعا ءتيىس. بىراق قارىزدىڭ ەڭ جوعارى سوماسى شەگىندە. سونداي-اق پاتەردى باسپانا ماركەت پورتالىنان تاڭداپ, برونداۋ مۇمكىندىگى دە بار. بۇل قىزمەت تۇرعىن ءۇي باعاسىنىڭ جاساندى وسۋىنە جول بەرمەۋگە ارنالعان.