بۇل بەينەجازبا اقش-تىڭ قازاقستانداعى ەلشىلىگىنىڭ Instagram-پاراقشاسىندا جاريالانعان.
بۇۇ باس اسسامبلەياسىنىڭ 2019 جىلعى جەلتوقسانداعى قارارىمەن 21 مامىر - حالىقارالىق شاي كۇنى (International Tea Day) دەپ بەكىتىلگەن. ال قازاقستاندا شاي ەڭ تانىمال سۋسىن سانالادى.
قىسقا بەينەروليكتە اقش-تىڭ قازاقستانداعى ەلشىسى دەنيەل روزەنبليۋم استانادا قوناقتاردى قالاي قارسى العانى, سودان كەيىن ىسكەرلىك كەزدەسۋدەن كەيىن شىعارىپ سالعانى كورسەتىلەدى. ءارى قاراي ول ەلىمىزدىڭ كەز كەلگەن ازاماتىنا تۇسىنىكتى ءسوز تىركەسىن ايتادى.
- ال ەندى ءوزىمىز وتىرىپ, شاي ىشەيىك, - دەيدى دەنيەل روزەنبليۋم ك ۇلىمسىرەپ.
ەلشىلىك قازاقستاندا شايدىڭ جاي سۋسىن ەمەس ەكەنىن اتاپ ءوتتى.
- بۇل قوناقجايلىلىق, دوستىق پەن ديپلوماتيانىڭ سيمۆولى. حالىقارالىق شاي كۇنى قۇتتى بولسىن! – دەپ قۇتتىقتايدى ەلشىلىك.
جازباعا قازاقستاندىقتار ءتۇرلى پىكىر قالدىرىپ, بۇل جاقسى ءۇردىس ەكەنىن ايتقان.
