فوتو: ن.بايبۋلين
«پرەزيدەنتىمىز بىلتىرعى جولداۋىندا ەكونوميكالىق دامۋدىڭ جاڭا ۇلگىسىن قالىپتاستىرۋدىڭ باعدارىن بەلگىلەپ بەردى. قازىرگى ۋاقىتتا بۇل باعىتتا ناقتى ناتيجەلەردى كورىپ وتىرمىز. ەكونوميكانى ىرىقتاندىرۋ جونىندەگى شارالار تۋرالى مەملەكەت باسشىسى قول قويعان جارلىق جەكە مەنشىككە قولسۇعىلماۋشىلىقتى, جەكە كاسىپكەرلىك قىزمەتىنىڭ ەركىندىگىن جانە مەملەكەتتىڭ ەكونوميكاعا قاتىسۋىن قىسقارتۋدى قامتاماسىز ەتۋگە ارنالعان. ەلىمىزدىڭ الدىندا 2029 جىلعا قاراي ۇلتتىق ەكونوميكانىڭ كولەمىن 2 ەسەگە ۇلعايتۋعا قاتىستى اۋقىمدى مىندەت تۇر. سوندىقتان بۇگىنگىدەي جاھاندىق تۇراقسىزدىق جاعدايىندا ەكونوميكانى دامىتۋدىڭ جاڭا, ستاندارتتى ەمەس تاسىلدەرىن تابۋ اسا ماڭىزدى», دەدى ماۋلەن اشىمباەۆ.
ءىس-شارا بارىسىندا قاتىسۋشىلار دۇنيەجۇزىلىك بانكتىڭ بايانداماسىندا ايتىلعان زەرتتەۋ ناتيجەلەرى مەن ىقتيمال تاۋەكەلدەردى تالقىلادى. بۇل رەتتە ساراپشىلار ەكونوميكالىق ىنتالاندىرۋدىڭ باياۋلاۋى, ەكونوميكالىق تەڭسىزدىك جانە ءىجو-دەگى جالاقىنىڭ تومەن ۇلەسى سياقتى ماسەلەلەرگە باسا نازار اۋداردى.
كلۋب مۇشەلەرى كوتەرىلگەن ماسەلەگە قاتىستى پىكىر ءبىلدىرىپ, سالىق جۇيەسىن جەتىلدىرۋگە جانە ۇلتتىق ەكونوميكانى باسقارۋدىڭ جاڭا تەتىكتەرىن قالىپتاستىرۋعا ارنالعان ۇسىنىستارىن ايتتى. سونداي-اق وتىرىستا بىرلەسكەن جوبالاردى ىسكە اسىرۋ بارىسى مەن الداعى ءوزارا ءىس-قيمىلدىڭ فورماتى تالقىلاندى.
سونىمەن قاتار كەزدەسۋدە ۇلتتىق ەكونوميكا ءبىرىنشى ۆيتسە-ءمينيسترى تيمۋر جاقسىلىقوۆ, Maqsut Narikbayev University حالىقارالىق ەكونوميكا مەكتەبىنىڭ دەكانى ساۋلە كەمەلباەۆا, Applied Economics Research Centre باسقارۋشى ديرەكتورى ەۆگەنيا پاك, ماكرواناليتيك اياكوز حانەت جانە تاعى باسقا ساراپشىلار ءسوز سويلەدى.
سونداي-اق وتىرىستا كلۋبتىڭ جاڭا مۇشەلەرى تانىستىرىلدى. ايتا كەتسەك, كلۋب قۇرىلعان ءتورت جىلدان بەرى العاش رەت روتاتسيا جۇرگىزىلىپ وتىر. ناتيجەسىندە قۇرامىنىڭ 60 پايىزدان استامى جاڭاردى.
