فوتو: gov.kz
ءوڭىر باسشىسى بيىك جەرگە سالۋدى تاپسىرعان تۇرعىن ۇيلەردىڭ ساپاسىن تەكسەردى.
ۇيلەردىڭ قۇرىلىسى ءساۋىر ايىنىڭ باسىندا باستالدى. قۇرىلىستا 30 ادام جانە 2 بىرلىك تەحنيكا جۇمىس ىستەپ جاتىر. قازىر بارلىق 5 ءۇيدىڭ قابىرعالارى بوي كوتەردى. ەكى ۇيدە جۇمىستار 90% ورىندالدى, بولمەلەردى ارلەۋ جۇمىستارى جۇرگىزىلىپ جاتىر. قالعان ۇيلەردە جۇمىستار جالعاسۋدا. 5 جاڭا ءۇيدىڭ قۇرىلىسىنا قاراجاتتى ERG توبى ءبولدى.
وبلىس اكىمى ۇيلەردى تولىعىمەن اياقتاۋدى تاپسىردى.
«مەن ءۇشىن ۇيلەردى جەرلەستەرى الدىندا پارىزى مەن جاۋاپكەرشىلىگىن سەزىنەتىن وسى اۋدانداعى جاۋاپتى كاسىپكەردىڭ سالۋى ماڭىزدى بولدى. ۇيلەر جىلىتۋ, سۋمەن جابدىقتاۋ جانە سۋ بۇرۋ جۇيەلەرىمەن قامتاماسىز ەتىلەدى. قۇرىلىسشىلار زاماناۋي جانە ساپالى قۇرىلىس ماتەريالدارىن پايدالانىپ جاتىر. جاڭا تۇرعىن ۇيلەردىڭ كىلتتەرىن يەلەرىنە وسى جىلدىڭ شىلدە ايىندا تابىستاۋدى جوسپارلاپ وتىرمىز», دەدى ءوڭىر باسشىسى.
ايماق العاشقىلاردىڭ ءبىرى بولىپ, 28 ناۋرىز بەن 12 ءساۋىر ارالىعىندا سۋ تاسقىنى كەزىندە مۇلكى ءارتۇرلى دارەجەدە زارداپ شەككەن وبلىس تۇرعىندارىنان تۇسكەن بارلىق 125 ءوتىنىم بويىنشا وتەماقى تولەدى.
