ەندى چيپتەلگەن ەرىكتى سمارتفون مەن كومپيۋتەردى وي كۇشىمەن باسقارا الاتىن «تەلەپاتيا» كيبەرنەتيكالىق مي يمپلانتىن الادى. يلون ماسك ءبىرىنشى چيپتەلگەن ادام 29 جاستاعى نولان اربو ءوزىن جاقسى سەزىنەتىنىن ايتتى.
مامىر ايىنىڭ ورتاسىندا «Reuters» دەرەككوزدەرى «Neuralink» ناۋقاسىنىڭ ميىنان شىعاتىن يمپلانت كونتاكتىلەرى ماسەلەسىمەن ۇزاق ۋاقىت بويى كۇرەسىپ كەلە جاتقانىن حابارلاعان بولاتىن. وسىنداي ماسەلەگە ءبىرىنشى چيپتەلگەن ادام دا تاپ بولعان ەدى. ەكىنشى چيپتەلگەن ادامدا ونداي ماسەلە بولماس ءۇشىن ءبىرشاما وزگەرىس ەنگىزىلەدى دەدى ولار.
اتوم ساعاتى
فيزيكتەر اتومدىق ساعاتتىڭ جاڭا ءتۇرىن جاسادى. بۇل تۋرالى «Nature» جۋرنالىندا جاريالانعان ماقالادا ايتىلادى.
ساعات تەربەلمەلى يود مولەكۋلالارىن قولدانۋعا نەگىزدەلگەن جانە سالماعى نەبارى 26 كيلوگرامم. زەرتتەۋشىلەردىڭ ايتۋىنشا, ولار قازىرگى ۋاقىتتا كوپتەگەن كەمەدە قولدانىلاتىن ساعاتتارعا قاراعاندا شامامەن 1000 ەسە دالىرەك. قۇرىلعى «Aotearoa» كەمەسىنىڭ بورتىندا سىنالدى. ءۇش اپتا بويى تىنىق مۇحيتىندا ادەتتەگى كەمە وپەراتسيالارىن جۇرگىزدى. ناتيجەلەر ساعاتتىڭ زەرتحانالىق سىناقتارداعىداي ءدال ەكەنىن, قاتەلىك سەكۋندتىڭ 300 تريلليوننان ءبىر بولىگىنەن از ەكەنىن كورسەتتى.
ادام ءتارىزدى روبوت
«Boston Dynamics» گيدراۆليكانىڭ ورنىنا ەلەكتر قۋاتىمەن جۇمىس ىستەيتىن ادام ءتارىزدى «Atlas» روبوتىن جاساپ جاتىر.
قازىرگى ۋاقىتتا بۇل «الەمدەگى ەڭ ەپتى گۋمانويد روبوت» دەپ باعالانىپ وتىر. جاڭا «Atlas» ۇلگىلەرى «Hyundai» كومپانياسىمەن بىرىگىپ دايىندالادى. ول جوباعا دەمەۋشىلىك جاساپ قانا قويماي, روبوتتاردى سىناۋ ءۇشىن ءوز زاۋىتتارىن دا بەرىپتى.
