جوعارىدا ەسىمدەرى اتالعان ساڭلاقتار اراسىنان ناريمان كۇربانوۆتى ايرىقشا اتاپ وتۋگە بولادى. ول ات جاتتىعۋىندا 15.600 ۇپاي جيىپ, باس جۇلدەنى ولجالادى. ءبىر ايتا كەتەرلىگى, كۇنى بۇگىنگە دەيىن الەمنىڭ بىردە-ءبىر گيمناسشىسى ءدال وسىنداي كورسەتكىشكە قول جەتكىزگەن ەمەس.
«ازيا چەمپيوناتىندا جوسپارىمدى تولىقتاي جۇزەگە اسىردىم. كوماندا قورجىنىنا بارىنشا كوپ ۇپاي سالىپ, ءوزىم التىن تۇعىرعا كوتەرىلدىم. سونىمەن قاتار ىرىكتەۋ كەزەڭىندە 15.666 ۇپاي يەلەنىپ, جاڭا رەكورد ورناتتىم. كۇللى الەمدە وسىنشاما مول ۇپايدى ءالى ەشكىم ەنشىلەگەن ەمەس. وسى جاعى مەنى ەرەكشە قۋانتتى. فينالداعى كورسەتكىشىم دە جامان ەمەس – 15.600 ۇپاي. وسىلايشا, بارلىق قارسىلاسىمدى ارتقا تاستادىم», دەيدى ناريمان.
جاتتىعۋدىڭ بۇل تۇرىندە وزبەكستاندىق ابدۋللا ءازيموۆ كۇمىس السا, يوردانيالىق ءابۋ ءال-ساۋد احماد قولاعا قول سوزدى.
ال مەدال سانىنىڭ مولدىعى جاعىنان ميلاد كاريمي الدىنا جان سالمادى. كوپسايىستا ول ەكىنشى ورىندى يەلەندى. جەرلەسىمىز فيليپپيندىك كارلوس يۋلودان عانا قالىپ قويدى. دەسەك تە ءبىز ءۇشىن بۇل التىنعا بەرگىسىز كۇمىس ەدى. سەبەبى كۇنى بۇگىنگى دەيىن ەلىمىزدىڭ بىردە-ءبىر ورەنى كوپسايىستا جەڭىس تۇعىرىنا كوتەرىلگەن ەمەس. ونداي باق ميلادقا بۇيىردى. سونداي-اق كاريمي ەركىن جاتتىعۋدا دا كۇمىس مەدال السا, كەرمەدە باس جۇلدەنى قانجىعاسىنا بايلادى.
