كونفەرەنتسياعا 20 ەلدىڭ مادەنيەت مينيسترلەرىمەن بىرگە قازاقستاننىڭ مادەنيەت جانە اقپارات ءمينيسترى ايدا بالاەۆا دا قاتىستى. ايدا بالاەۆا قۇتتىقتاۋ سوزىندە كۇللى شىعىس الەمىنىڭ وسكەلەڭ ۇرپاعى مەن جاستار ءۇشىن اقىن شىعارمالارىنىڭ ءرولى ماڭىزدى ەكەنىن اتاپ ءوتتى.
«بۇگىن ءبىز قارىم-قاتىناسىمىزدىڭ قارقىندى دامىپ كەلە جاتقانىن جانە مادەني-گۋمانيتارلىق سالادا ءوزارا تىڭعىلىقتى جۇمىس جۇرگىزىلىپ جاتقانىن كورىپ وتىرمىز. مۇنىڭ ءبارى ەكى ەل كوشباسشىلارىنىڭ كۇش-جىگەرى مەن سەنىمدى, دوستىق بايلانىستارىنىڭ ارقاسىندا ەكەنى ءسوزسىز. ماقتىمق ۇلى پىراعىنىڭ مول مۇراسى حالىق ءۇشىن اسا ماڭىزدى. دوستىق سيمۆولى, قازاق حالقىنىڭ اقىنعا جانە ونىڭ بۇكىل باۋىرلاس تۇرىكمەن حالقىنا دەگەن قۇرمەتىنىڭ بەلگىسى رەتىندە ەل استاناسىندا ۇلى ويشىلعا ەسكەرتكىش ورناتۋ ءۇشىن قاجەتتى جۇمىستار جۇرگىزىلىپ جاتىر», دەگەن مينيستر ماقتىمق ۇلى پىراعى اتىنداعى حالىقارالىق ادەبي سىيلىقتى تاعايىنداۋدى ۇسىندى.
ايدا بالاەۆا ارىپتەستەرىن تاۋ تۇلعالاردىڭ شىعارماشىلىعىن جۇيەلى تۇردە ناسيحاتتاپ, ولاردىڭ شىعارماشىلىعى ارقىلى الەمدىك مادەني كەڭىستىككە شىعۋعا شاقىردى. ايتا كەتەيىك, اشحابادتا تۇرىكمەن اقىنى ماقتىمق ۇلى پىراعىنىڭ ەسكەرتكىشى اشىلدى.
اقىن ءمۇسىنى اشحاباتتىڭ وڭتۇستىگىندەگى قىراتتا 60 مەترلىك مونۋمەنتالدى ەسكەرتكىش تۇرىندە تۇرعىزىلعان. الىپ نىساننىڭ ەتەگىندەگى جاڭا مادەني ساياباق كەشەنىندە الەمدىك دەڭگەيدەگى 24 تۇلعانىڭ ەسكەرتكىشى ورنالاسقان. بۇل – رۋحاني بىرلىك ءرامىزى.
