فوتو: سەنات
الداعى بەيسەنبىدە سەناتورلار «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كرەديت بەرۋ كەزىندە تاۋەكەلدەردى بارىنشا ازايتۋ, قارىز الۋشىلاردىڭ قۇقىقتارىن قورعاۋ, قارجى نارىعىن رەتتەۋ جانە اتقارۋشىلىق ءىس جۇرگىزۋدى جەتىلدىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭدى قارايدى.
قۇجاتتا ەكىنشى دەڭگەيلى بانكتەر ءۇشىن جەكە تۇلعاعا ايەلىنىڭ نەمەسە كۇيەۋىنىڭ كەلىسىمىنسىز قارىز بەرۋگە تىيىم سالۋ تۋرالى نورما قاراستىرىلعان. كەلىسىم قاجەت بولاتىن كرەديتتى الۋ ءتارتىبى مەن ونىڭ ەڭ تومەنگى مولشەرى ۋاكىلەتتى ورگاننىڭ نورماتيۆتىك قۇقىقتىق اكتىسىندە ايقىندالادى.
سونىمەن قاتار پالاتا بيۋروسى 24 مامىر كۇنى «مەملەكەت باسشىسىنىڭ «ادىلەتتى قازاقستاننىڭ ەكونوميكالىق باعدارى» اتتى قازاقستان حالقىنا جولداۋىن ىسكە اسىرۋ شەڭبەرىندە «قازاقستان رەسپۋبليكاسىندا ەكونوميكانىڭ وڭدەۋشى سەكتورىن دامىتۋ»تاقىرىبىنا ارنالعان پارلامەنتتىك تىڭداۋ وتكىزۋ تۋرالى قاۋلى قابىلدادى.
ماۋلەن اشىمباەۆ اتالعان تىڭداۋدىڭ ماڭىزدى ءارى وزەكتى ەكەنىنە نازار اۋداردى. مەملەكەت باسشىسى قاسىم-جومارت توقاەۆ ءوز جولداۋىندا وڭدەۋ سەكتورىن جەدەل دامىتۋ ارقىلى مىقتى ونەركاسىپتىك نەگىز قالىپتاستىرۋدى تاپسىرعان بولاتىن. سەنات توراعاسى بۇل رەتتە ەل ەكونوميكاسىنىڭ باسەكەگە قابىلەتتىلىگىن ارتتىرۋ ءۇشىن جوعارى دەڭگەيدە وڭدەلگەن ءونىم شىعاراتىن كلاستەر قۇرۋ قاجەت ەكەنىن اتاپ ءوتتى.
ودان بولەك, بيۋرو وتىرىسىندا ماجىلىستەن كەلىپ تۇسكەن زاڭدار جۇمىس ءۇشىن تۇراقتى كوميتەتتەرگە ءبولىنىپ بەرىلدى.
