فوتو: freepik.com
«تەكسەرۋ وپەراتورلارى تاراپىنان زاڭ بۇزۋشىلىق فاكتىلەرى كوبەيگەن. ماسەلەن, 2023 جىلى مەحانيكالىق كولىك قۇرالدارى مەن ولاردىڭ تىركەمەلەرىن مىندەتتى تەحنيكالىق بايقاۋدان وتكىزۋ كەزەڭدىلىگىن بەكىتۋ تۋرالى بۇيرىقتى بۇزعانى ءۇشىن وپەراتورلارعا 394 اكىمشىلىك حاتتاما جاسالىپ, 8 ميلليون تەڭگە كولەمىندە ايىپپۇل سالىندى. سونىمەن قاتار 2024 جىلدىڭ 4 ايىندا مىندەتتى تەحنيكالىق بايقاۋدى ۇيىمداستىرۋ جانە وتكىزۋ قاعيدالارىن بۇزعانى ءۇشىن 270 اكىمشىلىك حاتتاما تولتىرىلىپ, 7,8 ملن تەڭگە ايىپپۇل سالىندى», دەپ حابارلادى ۆەدومستۆو.
مينيسترلىكتىڭ مالىمەتىنشە, 10-نان 50 اەك-كە دەيىن ايىپپۇل سالىنعانىمەن, وپەراتورلار زاڭدى بۇزۋدى ءالى دە توقتاتپادى.
«وسىعان بايلانىستى اكىمشىلىك قۇقىق بۇزۋشىلىق كودەكسىنىڭ 616-بابىن بۇزعانى ءۇشىن ايىپپۇلدى 30-دان 100 اەك-كە دەيىن ارتتىرۋ قاراستىرىلىپ جاتىر», دەپ قوستى مينيسترلىك وكىلدەرى.
قىرمىزى جۇماعاليقىزى,
ەۇۋ ستۋدەنتى
