فوتو: فارحات ءابىلوۆ
20 مامىر, ساعات 08:00-دەگى جاعداي بويىنشا اتىراۋ وبلىسىنداعى سۋ دەڭگەيى
- جايىق - يندەربور 1016 سم, -5 سم, شەكتى دەڭگەي - 845 سم.
- جايىق - ماحامبەت 1015 سم, + 4 سم, شەكتى دەڭگەي 850 سم.
- جايىق - اتىراۋ 573 سم, +3 سم, شەكتى دەڭگەي - 550 سم.
- جايىق - جاڭاتالاپ 416 سم, +4 سم, شەكتى دەڭگەي 500 سم.
- جايىق - ەركىنقالا 374 سم, +4 سم, شەكتى دەڭگەي 450 سم.
ءدال قازىر جايىق وزەنىنەن ءور سۋىنىڭ كوپتەپ كەلۋى ماحامبەت اۋىلىنا قاۋىپ ءتوندىرىپ جاتىر. سوعان بايلانىستى ماحامبەت-سارىتوعاي اۋىلىن جالعاپ جاتقان تاس جول ۋاقىتشا جابىلىپ, سۋ ارناسىنىڭ باعىتىن بۇرۋ ءۇشىن جىرىلدى.
ماحامبەت اۋدانى اكىمدىگى جول توسەمىن قالپىنا كەلتىرۋ ءۇشىن ينەرتتى ماتەريالدار دايىندادى, بىراق سۋدىڭ كوپ كولەمدە كەلۋى مەن اعىستىڭ قاتتىلىعىنان بۇل جۇمىستاردى جۇرگىزۋ مۇمكىن بولماي تۇر.
«سۋ دەڭگەيى تومەندەگەننەن كەيىن جولدى قايتا قالپىنا كەلتىرۋ جۇمىستارى جۇرگىزىلەدى. تاسقىنمەن كۇرەستە ۋاقىتشا قولايسىزدىقتار تۋىندايدى, بىراق اتالعان جۇمىستار تۇرعىنداردىڭ قاۋىپسىزدىگى ءۇشىن وتە ماڭىزدى. سارىتوعاي اۋىلىنان ماحامبەت اۋىلىنا قاتىناۋشىلار «سەيتەك» ءشايحاناسى جانىنداعى اينالما جولمەن وتەدى. وسى رەتتە تۇرعىنداردان تۇسىنىستىك تانىتۋدى سۇرايمىز», دەلىنگەن جەدەل شتاب مالىمەتىندە.
