قوعامدىق قابىلداۋدىڭ جاڭا جەتەكشىسى

«نۇر وتان» پارتياسى رەسپۋبليكالىق قوعامدىق قابىلداۋىنىڭ جەتەكشىسى بولىپ ابىلايحان وسپانوۆ تاعايىندالدى. ابىلايحان وسپانوۆ ل.ن.گۋميلەۆ اتىنداعى ەۋرازيالىق ۇلتتىق ۋنيۆەرسيتەتىن «اقپاراتتاندىرۋ» ماماندىعى بويىنشا تامامداعان. 2006-2010 جىلدارى وڭتايلاندىرۋ جانە باسقارۋ جوباسى بويىنشا بولىمدەردەگى كوممەرتسيالىق ۇيىمداردا جۇمىس ىستەدى. 2010-2014 جىلدارى ىشكى ىستەر مينيسترلىگىندە اعا ينجەنەر, بايلانىس جانە اقپارات مينيسترلىگىنىڭ اقپاراتتىق تەحنولوگيالار سالاسى مەملەكەتتىك ساياسات دەپارتامەنتى ديرەكتورىنىڭ ورىنباسارى, كولىك جانە كوممۋنيكاتسيا مينيسترلىگىنىڭ مەملەكەتتىك قىزمەتتى اۆتوماتتاندىرۋ جانە حالىققا قىزمەت كورسەتۋ ورتالىقتارىنىڭ قىزمەتىن ۇيلەستىرۋ بويىنشا باقىلاۋ كوميتەتى توراعاسىنىڭ ورىنباسارى, ەلەكتروندىق قىزمەت جانە بايلانىس پەن اقپارات بويىنشا اگەنتتىكتىڭ حقو دامىتۋ دەپارتامەنتىنىڭ ديرەكتورى قىزمەتتەرىن اتقاردى. بۇل قىزمەتكە تاعايىندالعانعا دەيىن ينۆەستيتسيا جانە دامۋ مينيسترلىگىنىڭ بايلا­نىس, اقپاراتتاندىرۋ جانە اقپارات بويىنشا كوميتەتىنىڭ مەملەكەتتىك قىزمەت كورسەتۋدى وڭتايلاندىرۋ باسقارماسىنىڭ جەتەكشىسى قىزمەتىندە بولدى. «ەگەمەن-اقپارات».