جاسوتاندىقتار ارداگەرلەردى ارداقتادى

شىعىس ءوڭىرىنىڭ جاستارى ۇلى جەڭىستىڭ 70 جىلدىعى قارساڭىندا ارداگەرلەردى ارداقتاپ, قۇرمەت كورسەتتى. «نۇر وتان» پارتياسىنىڭ تارباعاتاي اۋداندىق فيليالىنىڭ ۇيىم­داستىرۋىمەن وتكەن اكتسيا شەڭ­بەرىندە جاس پاتريوتتار قا­ريالاردىڭ ءۇي-جايىنا بارىپ, تازالاۋعا كومەكتەستى. ەرلىكتى ەستە ساقتاۋ, قۇرمەت تۇتۋ – ەلدىكتىڭ نىشانى, عاسىرلاردان بەرى كەلە جاتقان ۇلتتىق ءداستۇردىڭ نەگىزگى ءتىنى. سوندىقتان ەلدىڭ تىنىشتىعى مەن حالىقتىڭ بوستاندىعى جولىندا كۇرەسكەن ەرلەردى ارداقتاۋ – ءار ۇرپاقتىڭ پارىزى. وسى ورايدا, سوعىس جانە ەڭبەك ارداگەرلەرىنە قامقورلىق كورسەتۋ, ۇرىس دالاسىندا ەرلىكتىڭ ەرەن ۇلگىسىن كورسەتكەن اتا-بابالارعا ماقتانىش سەزىمىن وياتۋ, ەرلىگى مەن ەڭبەگى ءۇشىن اعا بۋىنعا جاستاردىڭ ىقىلاسىن جەتكىزۋ ماقساتىندا اكتسيا ءوتتى. «جاس وتان» جاستار قاناتىنىڭ مۇشەلەرى مەن مەكتەپ وقۋشىلارى سوعىس جانە ەڭبەك ارداگەرلەرىنىڭ ۇيلەرىن تازالاۋعا, اۋلاداعى قاردى كۇرەۋگە, وتىنىن جارىپ, سۋىن تاسۋعا جۇمىلا كومەكتەستى. «ءوزىن پاتريوت سانايتىن ءاربىر جاس ادام ءبىرىن­شى كەزەكتە كومەككە مۇقتاج جاندارعا, ونىڭ ىشىندە قارتتارعا قول ۇشىن سوزىپ ءجۇرۋ­لەرى كەرەك. ارداگەرلەر – ەلىمىزدىڭ ءتىرى تاري­حى, شەجىرەسى. ولار ءبىزدىڭ بۇگىنگى جارقىن كە­لە­شەگىمىز ءۇشىن مايدان دالاسىندا قولىنا قارۋ الىپ, شايقاستى, قان توكتى», – دەدى «نۇر وتان» پار­تياسى تارباعاتاي اۋداندىق فيليالى «جاس وتان» جق اتقارۋشى حاتشىسى دارحان كارىباەۆ. اتالعان كومەك كوپتەگەن سوعىس ارداگەر­لەرىنە, تىلعا قاتىسۋشىلارعا, سونداي-اق, اكەسىز قالعان بالالاردىڭ اناسىنا كورسەتىلدى. مۇنداي اكتسيا وبلىستىڭ بارلىق اۋداندارىندا جۇرگىزىلۋدە. دۋمان اناش, «ەگەمەن قازاقستان».  شىعىس قازاقستان وبلىسى.