قۇرلىق اسكەرلەرى اسكەري ينستيتۋتىنىڭ وركەسترى ورىنداعان اۋەنمەن تۋعان كۇن يەسى ۆالس بيلەدى.
– تامارا الەكساندروۆنا بۇل اسەم ءبيدى قالاي جاقسى كورەتىنىن بىلەمىز. وسى ساتتە ءسىزدى حح عاسىرداعى ەڭ قاندى سوعىستان ءوتتى دەپ كىم ايتادى, قانشاما قيىندىققا قاراماي, شيراقتىعىڭىزدى ساقتاعانىڭىز ءۇشىن شىن جۇرەكتەن قۋانىپ, تاڭدانامىز, – دەدى دەسانتتىق-شابۋىلداۋ اسكەرلەرى قولباسشىسىنىڭ تاربيە جانە يدەولوگيالىق جۇمىس جونىندەگى ورىنباسارى, پولكوۆنيك رادجان جانىسوۆ.
تامارا ماكسيموۆانىڭ جاستىق شاعى قيىن كەزەڭمەن تۇسپا-تۇس كەلدى. سوعىس باستالعان كەزدە ول ماسكەۋ قالاسىنداعى مەكتەپتەردىڭ بىرىندە 9-سىنىپتى بىتىرگەن ەدى. تۇلەكتەر اسكەري كوميسسارياتقا كەلىپ, مايدانعا بارعىسى كەلەتىندەرىن ايتاتىن. وسىلايشا, ۆولوكولامسك تاس جولىنداعى گوسپيتالعا جىبەرىلدى. الدىمەن تىركەۋ بولىمىندە جۇمىس ىستەپ, سودان كەيىن وقىپ, مەدبيكە بولدى.
ءسويتىپ, جاس قىز اۋىر جارالانعان جاۋىنگەرلەرگە تاۋلىك بويى كۇتىم جاساپ, مەديتسينالىق جاردەم كورسەتتى. تامارا الەكساندروۆنا ۇيلەرىنە حات جازۋعا مۇمكىنشىلىكتەرى جوقتار ءۇشىن حات جازعانىن ەسىنە الادى. گوسپيتالدا ول بولاشاق كۇيەۋى كونستانتيندى كەزدەستىرىپ, ونىمەن 2007 جىلعا دەيىن بىرگە باقىتتى ءومىر ءسۇردى.
تامارا ماكسيموۆا 1943 جىلى اۋىر جاراقات العاننان كەيىن مەدبيكە دەنساۋلىعىنا بايلانىستى جۇمىستان شىقتى. سوعىستان كەيىن الدىنا ۇلكەن ماقسات قويعان قىز ەكستەرن رەتىندە 10-سىنىپتى ءبىتىرىپ, ماسكەۋ ينستيتۋتىنىڭ تاريح جانە فيلولوگيا فاكۋلتەتىنە وقۋعا ءتۇستى. كەيىن ديسسەرتاتسيا قورعاپ, عىلىم كانديداتى دارەجەسىن الىپ, ءال-فارابي اتىنداعى قازاق ۇلتتىق ۋنيۆەرسيتەتىندە 16 جىل جۇمىس ىستەدى.
بۇگىندە تامارا الەكساندروۆنا ءوزىنىڭ جاسىنا قاراماستان, « ۇلى وتان سوعىسى ارداگەرلەرى, تىل ەڭبەككەرلەرى جانە سوعىس بالالارى كەڭەسى» قق قورىنىڭ قامقورشىلىق كەڭەسىنىڭ مۇشەسى. ال 2020 جىلى جەڭىستىڭ 75 جىلدىعى قارساڭىندا الماتىدان كەلگەن ارداگەر بۇكىلرەسەيلىك «ششيت ي روزا» قوعامدىق سىيلىعىنىڭ لاۋرەاتى اتانىپ, سىيلىقتى تاپسىرۋ ءراسىمى ماسكەۋدەگى كرەمل سارايىندا ءوتتى.
تامارا الەكساندروۆنا II دارەجەلى «وتان سوعىسى» وردەنىمەن, «ماسكەۋدى قورعاعانى ءۇشىن» مەدالىمەن باسقا دا ناگرادالارمەن ماراپاتتالعان.
