ەسكەرىلمەي كەلگەن يگىلىك

تاراز قالاسىنىڭ تۇرعىنى تۇرعانبەك قىپشاقباەۆتىڭ وسىدان 17 جىل بۇرىن ويلاپ تاپقان جىلىتۋ قازاندىعىنا ەندى نازار اۋدارىلا باستادى. شىعىنى از, ەلەكتر قۋاتىن قاجەتسىنبەيتىن, قورشاعان ورتانى لاستامايتىن قۇرىلعىنىڭ راحاتىن بۇعان دەيىن ونەرتاپقىشتىڭ جەرلەستەرى كورىپ كەلىپتى. قازاندىققا وتىننىڭ ەكى ءتۇرى – گاز بەن كومىر پايدالانىلادى ەكەن. ونى قازىرگى تاڭدا جامبىل وبلىسىنا قاراستى سارىسۋ, تالاس اۋداندارى مەن قاراتاۋ قالاسىنىڭ ءتۇرلى مادەني وشاقتارى قولدانىپ وتىر. سونىمەن قاتار, وڭىردەگى بەساعاش اۋىلىنىڭ 50-گە جۋىق تۇرعىنى دا وسى قازاندىقپەن ۇيلەرىن جىلىتۋدا. ت.قىپشاقباەۆتىڭ جاساعان جىلىتۋ پەشىنىڭ تيىمدىلىگى مەن ەرەكشەلىكتەرى بۇگىندە  ايماقتىق كاسىپكەرلەر پالاتاسىنىڭ نازارىنا ىلىگىپتى. دەگەنمەن, جالپى حالىقتىڭ يگىلىگىنە ۇسىنۋ ءۇشىن بۇل جوبانى ءالى دە جەتىلدىرە ءتۇسۋ قاجەت كورىنەدى. سوندىقتان دا, ءتيىستى ورىنداردان قازاندىقتىڭ اۆتورى رەتىندە زاڭدى قۇجات جاساتىپ العان ونەرتاپقىش  وز تۋىندىسىن ودان ءارى دامىتۋ ماقساتىندا تىنىمسىز ەڭبەكتەنۋدە. جولدىباي بازار, «ەگەمەن قازاقستان».