فوتو: azh.kz
اتىراۋ وبلىسىنىڭ اكىمى سەرىك شاپكەنوۆ قۇلسارىداعى سۋ تاسقىنىنان زارداپ شەككەن تۇرعىندارمەن كەزدەستى. ول تۇرعىنداردىڭ ۇسىنىس-تالابىن تىڭداپ, سۋ تاسقىنىنان زارداپ شەككەندەرگە كەلتىرىلگەن زالالدى وتەۋ ءتارتىبىن ءتۇسىندىردى.
اكىمنىڭ ايتۋىنشا, ءۇيى اپاتتى دەپ تانىلعان تۇرعىندارعا وتەماقى نارىقتاعى قۇنىنا سايكەس تولەنەدى. الايدا سۋ تاسقىنى كەزىندە زارداپ شەككەن قۇلسارى قالاسىنىڭ تۇرعىندارى اقشالاي وتەماقىنى نىسانالى ماقساتقا – جاڭا تۇرعىن ءۇي ساتىپ الۋعا, تۇرعىن ءۇي سالۋعا نەمەسە جوندەۋ-قالپىنا كەلتىرۋ جۇمىستارىنا جۇمساۋعا ءتيىس. تۇرعىنداردىڭ نىسانالى ەسەپشوتىنا ب ۇلىنگەن ءۇيدىڭ ءار شارشى مەترى ءۇشىن 200 000-240 000 تەڭگەدەن قارجى اۋدارىلادى.
«قازىر ءبىرىنشى كەزەكتە سۋ تاسقىنىنان زارداپ شەككەن تۇرعىندار باعالاۋ جانە م ۇلىكتى تەحنيكالىق ساراپتاۋ قورىتىندىلارىمەن تانىسىپ, اقشالاي قاراجاتتى تولەۋگە كەلىسىمىن بەرۋگە ءتيىس. تولەم ەكى اپتا ىشىندە جۇرگىزىلەدى», دەدى س.شاپكەنوۆ.
اتىراۋ وبلىسىنىڭ جەدەل شتابىنىڭ مالىمەتىنشە, 15 مامىردا قۇلسارى قالاسىندا جىلجىمايتىن م ۇلىكتى باعالاۋ جانە تەحنيكالىق ساراپتاۋ قورىتىندىلارىن جاريالاۋ بويىنشا ءموبيلدى توپتاردىڭ جۇمىسى باستالدى. جىلىوي اۋدانىنىڭ 100-دەن اسا تۇرعىنى باعالاۋ پاراعىن الىپ وتىر. ەندى ولار ەكى كۇن ىشىندە اقشالاي وتەماقىعا ءوتىنىش بەرە الادى. سۋ تاسقىنىنان ب ۇلىنگەن بارلىق ءۇيدى باعالاۋ جۇمىسىن 10 كۇندە اياقتاۋ جوسپارلانىپ وتىر.
«جىلىوي اۋدانىندا 3 613 وتباسىنا 100 ايلىق ەسەپتىك كورسەتكىش مولشەرىندە بىرجولعى تولەم بەرىلدى. تولەنگەن قارجىنىڭ جالپى سوماسى – 1 ملرد 387 ملن تەڭگە. كەلتىرىلگەن ماتەريالدىق زالالعا وتەماقى تولەۋ ءۇشىن قۇجاتتار دايىندالادى. جىلجىمايتىن م ۇلىككە تەحنيكالىق تەكسەرۋ جانە باعالاۋ جۇرگىزىلىپ جاتىر. قازىر تۇرعىنداردان 2 950 ءوتىنىش قابىلداندى. ونىڭ ىشىندە 2 697 ءوتىنىش قاراۋعا جىبەرىلدى», دەپ حابارلادى وبلىستىق جەدەل شتابتان.
اۋدان اكىمى جۇمابەك قاراجانوۆتىڭ ايتۋىنشا, قۇلسارى قالاسى اۋىزسۋمەن تولىق قامتاماسىز ەتىلگەن. ەلەكتر قۋاتىنا 2 870 ءۇي قوسىلدى. تاسقىن سۋ باسقان اۋماقتاردا ورنالاسقان 3 084 ءۇي تابيعي گازبەن جابدىقتالدى. ەندى سۋ تاسقىنىنان زارداپ شەككەن ۇيلەردىڭ يەلەرى ءساۋىر, مامىر, ماۋسىم ايلارىندا كوممۋنالدىق قىزمەتتەر ءۇشىن تولەمنەن بوساتىلادى.
«تۇرعىندارعا ناۋرىز ايىنا قاتتى تۇرمىستىق قالدىق, ەلەكتر ەنەرگياسى, گاز جانە اۋىزسۋعا كوممۋنالدىق تولەمدەرىن تولەۋگە تۇبىرتەكتەر تاراتىلادى. الايدا قالا تۇرعىندارى تولەمدى وزدەرىنە ىڭعايلى كەز كەلگەن ۋاقىتتا وتەي الادى», دەدى ج.قاراجانوۆ.
ونىڭ ايتۋىنا قاراعاندا, قۇلسارى قالاسىندا كوممۋنالدىق قىزمەتتەرگە تاريف كوتەرىلگەن جوق. وسى كەزگە دەيىن تاريفتەردى كوتەرۋ دەرەگى تىركەلمەدى.
جىلىوي اۋداندىق ءبىلىم ءبولىمى باسشىسىنىڭ مىندەتىن اتقارۋشى گۇلجانسارا قاليقىزىنىڭ ايتۋىنشا, وقۋ-اعارتۋ مينيسترلىگى مەكتەپ جاسىنداعى بالالاردىڭ «بالداۋرەن» وقۋ-ساۋىقتىرۋ لاگەرىندە دەمالۋىنا قولداۋ كورسەتكەن. قازىر قۇلسارىنىڭ 146 وقۋشىسى دەمالىس لاگەرىنە جىبەرىلدى. ولار 20 كۇن دەمالادى. وقۋشىلار تۇركىستان, بالقاش, ششۋچينسك قالالارىندا جانە بۋرابايدا ءارى دەمالىپ, ءارى وقۋىن جالعاستىرىپ ءجۇر. ماۋسىم ايىندا تاعى 35 وقۋشىنى اتالعان دەمالىس ورنىنا جىبەرۋ جوسپارلانىپ وتىر. سۋ تاسقىنىنان زارداپ شەككەن جانە ەۆاكۋاتسيالانعان وتباسىلاردىڭ بالالارىن وقۋ-ساۋىقتىرۋ, دەمالۋ لاگەرىنە جىبەرۋ جالعاسىن تابادى.
اتىراۋ وبلىسى
