فوتو: gov.kz
بۇگىنگى كۇنگە دەيىن جەرگىلىكتى اكىمدىكتەر جۇرگىزىپ ۇلگەرگەن تەحنيكالىق قاداعالاۋ ناتيجەسىندە كەلتىرىلگەن زالالدى وتەۋ ماقساتىندا كوميسسيا 1 898 تۇرعىن ءۇي وبەكتىلەرىن سالۋ, جىلجىمايتىن م ۇلىك نارىعىندا 4 059 تۇرعىن ءۇي وبەكتىلەرىن ساتىپ الۋ, 8 415 نىساندى جوندەۋ تۋرالى شەشىم قابىلدادى.
اتىراۋ وبلىسى – قۇرىلىس, جوندەۋ جۇمىستارىن اياقتاۋ جانە تۇرعىن ۇيلەردى ساتىپ الۋ مەرزىمى - 2024 جىلعى قىركۇيەك.
اقمولا وبلىسى – قۇرىلىس, جوندەۋ جۇمىستارىنىڭ اياقتالۋ جانە تۇرعىن ۇيلەردى ساتىپ الۋ مەرزىمى - 2024 جىلعى قازان.
بقو – قۇرىلىس جانە جوندەۋ جۇمىستارىنىڭ اياقتالۋ مەرزىمى - 31 شىلدە, تۇرعىن ۇيلەردى ساتىپ الۋدىڭ اياقتالۋ مەرزىمى - 2024 جىلعى 15 تامىز.
«مينيسترلىك جەدەل شەشۋدى تالاپ ەتەتىن ماسەلەلەردە ادىستەمەلىك كومەك كورسەتۋ پروبلەمالارىن تالقىلاۋ بويىنشا وڭىرلەرمەن تۇراقتى نەگىزدە كەڭەستەر وتكىزىپ جاتىر. اكىمدىكتەردىڭ ۇسىنىستارى بويىنشا ۇكىمەتتىڭ كەيبىر شەشىمدەرىنە تۇزەتۋلەر ەنگىزىلدى. قۇرىلىس-جوندەۋ جۇمىستارىن ۋاقتىلى اياقتاۋ ءۇشىن ءاربىر وبەكتىدە قۇرىلىس جۇمىستارىنىڭ باستالۋىن قامتاماسىز ەتۋ ءۇشىن ەڭبەك جانە ماتەريالدىق (جابدىق) رەسۋرستارىن جۇمىلدىرۋدى جانە بريگاداعا 3 وبەكتىدەن اسپايتىن مولشەردە جوندەۋ جۇمىستارىن جۇرگىزۋدى قامتاماسىز ەتۋ قاجەت. ەڭبەك رەسۋرستارىنىڭ بار-جوعىن ەگجەي-تەگجەيلى مونيتورينگتى بيتريكس جۇيەسى ارقىلى دا قاداعالاۋ جوسپارلانىپ وتىر», دەلىنگەن مينيسترلىك حابارلاماسىندا.
