فوتو: techosmotrz.kz
بۇدان بىلاي كولىكتەردى تەحنيكالىق بايقاۋدان وتكىزۋمەن اينالىساتىن ۇيىمداردىڭ جۇمىس ءتارتىبى حابارلاما جىبەرۋدەن رۇقسات بەرۋگە اۋىستىرىلادى. ەندى ولار ءوز قىزمەتىن باستاعان كەزدە قۇجاتتار پاكەتىن ۇسىنۋى جانە ءتيىستى ماتەريالدىق-تەحنيكالىق بازاسى بولۋى قاجەت.
تەكسەرۋ پروتسەدۋراسىنىڭ وزىنە جانە ونى باقىلاۋعا قويىلاتىن تالاپتارىن دا ارتتىرۋ كوزدەلىپ وتىر.
«وسى وزگەرىستەر تەحنيكالىق اقاۋلارى بار كولىكتەر دە جول قوزعالىسىنا جىبەرىلە بەرەتىن فورمالدى تەحنيكالىق بايقاۋلاردى جويۋ ءۇشىن ەنگىزىلىپ وتىر. بۇل ءوز كەزەگىندە جول-كولىك وقيعالارى, سونىڭ ىشىندە, ءولىم-ءجىتىمنىڭ كوبەيۋى مەن پايدالانىلعان گازدارداعى زياندى زاتتار دەڭگەيىنىڭ جوعارىلاۋىنا اكەپ سوعادى. گازبەن جۇرەتىن كولىكتەر – ەلدىمەكەندەردە اۋرۋلار مەن ۋلانۋلارعا سەبەپ بولاتىن گازدىڭ جوعارى لاستانۋ فاكتورلارىنىڭ ءبىرى», دەلىنگەن ءماجىلىس حابارلاماسىندا.
