فوتو: اقوردا ءباسپاسوز قىزمەتى
پرەزيدەنتكە ۆەدومستۆونىڭ قازىرگى قىزمەتى مەن جۇمىس جوسپارى تۋرالى باياندالدى. جاسلان ماديەۆتىڭ ايتۋىنشا, مەملەكەتتىك باسقارۋدى جانە باسقا دا سالالاردى تسيفرلىق ترانسفورماتسيالاۋ ءۇشىن ينستيتۋتسيونالدىق بازا قالىپتاسقان. رەينجينيرينگ مىندەتتەمەسى زاڭ جۇزىندە بەكىتىلىپ, 600-دەن استام بيزنەس-پروتسەسس قايتا قارالعان. سونداي-اق GovTech پلاتفورمالىق ءتاسىلى ارقىلى تسيفرلىق ترانسفورماتسيالاۋ ۇدەرىسى باستالعان.
قاسىم-جومارت توقاەۆقا جاساندى ينتەللەكتىنى ەنگىزۋ, سونداي-اق AI-driven government ەكوجۇيەسىن قالىپتاستىرۋ جولدارى جونىندە مالىمەت بەرىلدى.
سونىمەن قاتار مەملەكەت باسشىسىنا وتاندىق IT-كومپانيالاردىڭ ەكسپورت نارىقتارىنا شىعۋ پەرسپەكتيۆاسى تۋرالى باياندالدى.
كەزدەسۋ سوڭىندا پرەزيدەنت مەملەكەتتىك باسقارۋ ءىسىن ساپالى تۇردە تسيفرلاندىرۋ, حالىقارالىق IT-الپاۋىتتارمەن ىنتىماقتاستىقتى جانداندىرۋ جانە ەكونوميكانىڭ ءتۇرلى سەكتورىندا جاساندى ينتەللەكتىنى ودان ءارى دامىتۋ جونىندە بىرقاتار تاپسىرما بەردى.
