ءمينيستردىڭ ايتۋىنشا, تۋريستەر تاراپىنان ۆيزا جانە يمميگراتسيالىق رەجيمگە قاتىستى شاعىمدار كوپ. تۋروپەراتورلاردىڭ ايتۋىنشا, شەتەلدىك تۋريستەر ۆيزا جانە كوشى-قون پورتالىنداعى تەحنيكالىق اقاۋلارعا بايلانىستى ۆيزا الۋدا قيىندىقتارعا تاپ بولادى. سونىڭ سالدارىنان تۋروپەراتورلار شەتەلدىك تۋريستەر برونداپ قويعان بيلەتتەردى قايتارىپ الۋعا ءماجبۇر.
«ۆيزالىق كوشى-قون رەجيمى ماسەلەسى تۋريستەر تاراپىنان كوپتەگەن شاعىم تۋدىرادى. تۋروپەراتورلاردىڭ حابارلاۋىنشا, شەتەلدىك كەلۋشىلەر ۆيزالىق كوشى-قون پورتالىنىڭ تەحنيكالىق اقاۋىنا بايلانىستى ۆيزا الۋ كەزىندە قيىندىقتارعا تاپ بولادى. ناتيجەسىندە تۋروپەراتورلار شەتەلدىك تۋريستەر ءۇشىن بروندالعان بيلەتتەردى الىپ تاستاۋعا ءماجبۇر. وسىعان بايلانىستى ەلگە كەلگەننەن كەيىن ۆيزا الۋ بويىنشا اۋەجايلارداعى كوشى-قون قىزمەتتەرىندە پەرسونال سانىن كوبەيتۋ جانە ونىڭ پورتالىنىڭ ۇزدىكسىز جۇمىسىن قامتاماسىز ەتۋ ۇسىنىلادى», دەدى ە.مارجىقپاەۆ.
سونىمەن قاتار مينيستر بۇل رەجيمدى تسيفرلاندىرۋ جانە ۆيزالىق راسىمدەردى جەڭىلدەتۋ ارقىلى جەتىلدىرۋ قاجەت ەكەنىن اتاپ ءوتتى. ال, ازىرشە جاڭا ۆيزانىڭ جۇمىس اتاۋى – NEO Nomad Visa.
«مۇددەلى مەملەكەتتىك ورگاندارمەن بىرلەسىپ, شەتەلدىك ازاماتتارعا ەلدە ۇزاق مەرزىمدى بولۋ قۇقىعىن بەرە وتىرىپ, قازىرگى زامانعى كوشپەندىلەردىڭ ۆيزاسىن ەنگىزۋ ماسەلەسى قارالىپ جاتىر (جۇمىس اتاۋى – NEO Nomad Visa). بۇل شارانى ەنگىزۋدەن كۇتىلەتىن ەكونوميكالىق ناتيجە جىل سايىن 3 ملرد تەڭگەدەن اسادى. قازىرگى ۋاقىتتا Neo Nomad Visa ەنگىزۋ تەتىگى ازىرلەنىپ, مۇددەلى مەملەكەتتىك ورگاندارعا جولداندى», دەپ قوستى مينيستر.
قىرمىزى جۇماعاليقىزى,
ەۇۋ ستۋدەنتى
