وبلىستىق ءبىلىم باسقارماسى ءباسپاسوز قىزمەتىنىڭ اقپاراتىنا سۇيەنسەك, بۇل – ەلىمىزدىڭ باتىس ايماعىندا اشىلعان العاشقى اسكەري باعىتتاعى مەكتەپ. ءبىلىم ورداسىندا جاراتىلىستانۋ, ماتەماتيكا باعىتىنداعى پاندەر تەرەڭدەتىلىپ وقىتىلادى. قازىر اسكەري مەكتەپتە اتىراۋ عانا ەمەس, ماڭعىستاۋ, باتىس قازاقستان, شىعىس قازاقستان, جامبىل وبلىستارىنان كەلگەن بالالار دا وقىپ ءجۇر. وقۋشىلار جاتاقحانامەن, ارنايى كيىممەن, تەگىن تاماقپەن قامتىلعان.
وقۋشىلاردىڭ اراسىندا ەكى وتباسىنىڭ ەگىز ۇلى بار. ءبىرىنشى ەگىز – ازامات پەن ازات بوريس. ولاردىڭ اكەسى تاجىك-اۋعان شەكاراسىنداعى ۇرىس قيمىلىنا قاتىسقان.
ء«بىز بولاشاعىمىزدى اسكەري سالامەن بايلانىستىرۋدى كوزدەپ ءجۇرمىز. سول ماقساتىمىزعا جەتۋ ءۇشىن «سارمات» مەكتەبىندە ءبىلىم الىپ جاتىرمىز. وسى مەكتەپتى بىتىرگەننەن كەيىن ەلىمىزدىڭ شەكاراسىن قورعايتىن ساردار بولۋ ءۇشىن جوعارى ءبىلىم العىم كەلەدى. سىڭارىم – ازات قۇتقارۋشى ماماندىعىن قالاپ ءجۇر», دەيدى ازامات بوريس.
ەكىنشى ەگىز – ناۋرىزبەك پەن امانگەلدى مەيرامبەك. ەكەۋى دە سپورتپەن اينالىسادى. ولار سپورتتىڭ دجيۋ-دجيتسۋ تۇرىنەن چەمپيون اتانعان.
«كىشكەنتاي كەزىمىزدەن اسكەري قىزمەتكەر بولۋدى ارماندادىق. اتىراۋدا وسى مەكتەپ اشىلىپ, قابىلداۋ ەمتيحانىنان سۇرىنبەي وتكەنىمىزگە قۋاندىق. مەن الداعى ۋاقىتتا پوليتسيا قىزمەتكەرى بولسام دەيمىن. ال امانگەلدى ءورت ءسوندىرۋشى بولعىسى كەلەدى», دەيدى ناۋرىزبەك مەيرامبەك.
اتىراۋ وبلىسى
