فوتو: جوعارعى سوت
«قىلمىستىق ىسكە قاتىستى سۇراقتار قۇراستىرىلدى. بيشىمباەۆقا قىلمىستىق كودەكستىڭ 110-بابىنىڭ 2-بولىگىنىڭ 1-تارماعى (ازاپتاۋ – ەسكەرتۋ) بويىنشا ايىپ تاعىلدى. ءبىرىنشى سۇراق: 2022 جىلعى 16 جەلتوقساننان 2023 جىلعى 9 قاراشاعا دەيىن, 2023 جىلعى ناۋرىز, ءساۋىر, قازان, سونداي-اق 2023 جىلدىڭ جازىندا استانا قالاسى, الماتى قالاسىندا جابىرلەنۋشى نۇكەنوۆانىڭ دەنەسىنە ۇنەمى ءتۇرلى دارەجەدەگى ۇرىپ-سوعۋ ارقىلى فيزيكالىق ازاپ كورسەتىلگەن بە, ونىڭ ار-نامىسى مەن قادىر-قاسيەتىن قورلاۋ ارقىلى مورالدىق ازاپ شەكتى مە؟» دەگەن سۇراقتارعا جاۋاپ بەرۋ ارقىلى القابيلەر ايىپتىڭ دالەلدەنگەنىن/دالەلدەنبەگەنىنە ايتادى.
ەكىنشى سۇراق: سوتتالۋشى بيشىمباەۆتىڭ بۇل ارەكەتتى جاساعانى دالەلدەندى مە؟
ءۇشىنشى سۇراق: سوتتالۋشى بيشىمباەۆ وسى ارەكەتتى جاساعانى ءۇشىن كىنالى مە؟
ءتورتىنشى سۇراق: جابىرلەنۋشى نۇكەنوۆا سوتتالۋشى بيشىمباەۆپەن بىرگە تۇرعان كەزدەن باستاپ ءوز بەتىنشە اقشا تابۋدى توقتاتىپ, وعان قارجىلىق تاۋەلدى جاعدايدا بولعانى دالەلدەندى مە؟
قىلمىستىق كودەكستىڭ 99-بابىنىڭ 2-بولىگىنىڭ 5-تارماعى (ادام ءولتىرۋ) بويىنشا ايىپ تاعىلدى. ءبىرىنشى ماسەلە, ءىس-ارەكەتتىڭ بولعانى دالەلدەندى مە, دالىرەك ايتساق, 2023 جىلدىڭ 9 قاراشاسىندا, شامامەن استانا قالاسى, دوستىق كوشەسى, 16پ مەكەنجايىنداعى «باۋ» مەيرامحاناسىندا تۇسكى استان كەيىن نۇكەنوۆا باس سۇيەك ميىنىڭ جابىق جاراقاتىنان قايتىس بولدى. ونىڭ ولىمىنە وڭ جاق ماڭداي-جەلكە, سول جاق قابىرعا استى ايماعىندا جەدەل سۋبدۋرالدى گەماتوما, كەيىننەن ميشىق بادامشا بەزدەرىنىڭ ماگنۋم تەسىگىنە جارىلۋى ديسلوكاتسيا سيندرومىنىڭ دامۋى مەن قىزمەتىنىڭ بۇزىلعانى اسەر ەتتى مە؟ ولىمگە ورتالىق جۇيكە جۇيەسى, جۇرەك قىزمەتى مەن تىنىس الۋدىڭ توقتاۋى تىكەلەي اسەر ەتتى مە؟
ەكىنشى سۇراق, ءبىرىنشى سۇراقتا كورسەتىلگەن جاعدايلارعا جابىرلەنۋشى نۇكەنوۆانىڭ باس ايماعىنا ماقساتتى تۇردە بىرنەشە سوققىلار بەرۋ ارقىلى سانالى تۇردە جانە قاساقانا ولىمگە اكەلگەنى دالەلدەندى مە؟
ءۇشىنشى سۇراق: سوتتالۋشى بيشىمباەۆتىڭ بۇل ارەكەتتى جاساعانى دالەلدەندى مە؟
ءتورتىنشى سۇراق: سوتتالۋشى بيشىمباەۆ بۇل ارەكەتتى جاساعانى ءۇشىن كىنالى مە؟
بەسىنشى سۇراق: سوتتالۋشى بيشىمباەۆتىڭ جابىرلەنۋشى نۇكەنوۆانى سانالى تۇردە ءولتىرىپ, ونى سانالى تۇردە فيزيكالىق جانە مورالدىق ازاپتاۋعا, اۋىر جانە ۇزاققا سوزىلعان ازاپقا ۇشىراتىپ, نۇكەنوۆاعا كوپ مولشەردە دەنە جاراقاتىن كەلتىرىپ, سۋسىز, ۇيقىسىز, قورلاپ, ازاپتاعانى دالەلدەندى مە؟
التىنشى سۇراق: ءبىرىنشى سۇراقتا كورسەتىلگەن ءمان-جايلار بويىنشا جابىرلەنۋشى نۇكەنوۆانىڭ باسىنان قاساقانا كوپتەگەن سوققىلار العانى, ونىڭ دەنساۋلىعىنا اۋىر زيان كەلتىرگەنى, سونىڭ سالدارىنان جابىرلەنۋشىنىڭ ابايسىزدىعىنان قايتىس بولعانى دالەلدەندى مە؟ سوتتالۋشى بيشىمباەۆتىڭ بۇل ارەكەتتى جاساعانى دالەلدەندى مە؟ ال سوتتالۋشى بيشىمباەۆ بۇل ارەكەتىنە كىنالى مە؟
«بايجانوۆقا قىلمىستىق كودەكستىڭ 432-بابى (قىلمىستى جاسىرۋ) بويىنشا ايىپ تاعىلىپ جاتىر. ءبىرىنشى ماسەلە, ءىس-ارەكەتتىڭ بولعانى دالەلدەندى مە, دالىرەك ايتساق, 2023 جىلدىڭ 9 قاراشاسىندا استانا قالاسى دوستىق كوشەسى, 16پ, قىلمىستىڭ ءىزىن جاسىرۋ ماقساتىندا شارا قولدانىلدى, مەملەكەتتىك مەكەمە قىزمەتكەرىنىڭ مەيرامحاناعا كىرۋىنە جول بەرمەدى, VIP كابينانىڭ كىرەبەرىستەرىن جاۋىپ تاستادى, مەيرامحانانى جاۋىپ, مەيرامحانا قىزمەتكەرلەرىن جۇمىستان شىعاردى, بەينە جازبالاردى ءوشىردى. بەينەباقىلاۋ كامەرالارىنان, مەيرامحاناداعى بەينەكامەرانى ءوشىرىپ, نۇكەنوۆانىڭ تەلەفونىن باسقا جاققا اپارىپ, مەيرامحاناعا بىرنەشە رەت ايەلدەردىڭ كيىمدەرىن اكەلگەن. ەكىنشى سۇراق: بۇل ارەكەتتى سوتتالۋشى بايجانوۆتىڭ جاساعانى دالەلدەندى مە؟», دەدى ايجان قۇلباەۆا.
ءۇشىنشى سۇراق: سوتتالۋشى بايجانوۆ وسى ارەكەتتى جاساعانى ءۇشىن كىنالى مە؟
وسى سۇراقتاردى وقىپ شىققانان كەيىن سۋديا ايجان قۇلباەۆا سوت پەن القابيلەر شەشىم قابىلداۋ ءۇشىن كەڭەسۋ بولمەسىنە كەتەتىنىن ايتتى.
جوعارى سوت بيشىمباەۆ پەن بايجانوۆقا ۇكىم شىعارىلاتىن ۋاقىت قوسىمشا حابارلاناتىنىن مالىمدەدى.
