ەگىز ءسابي ساۋلەسى

كەز كەلگەن ەل كەمەل كەلەشەگىن ءوزىنىڭ وسكەلەڭ ۇرپاعىمەن باي­لانىستىرارى ءسوزسىز. ەجەلدەن قۇت-بەرەكەنىڭ باسى دەپ سانالعان قوي ت ۇلىگى جىلىنىڭ العاشقى كۇندەرى قاراعاندىلىق ءبىراز شاڭىراقتى نارەستەلەر ۇنىمەن شاتتىققا بولەپ, قۋانىشقا قۋانىش قوسقان شاق بولدى. ال ورتانى ەگىز ق ۇلىن تولتىرىپ جاتسا كوڭىل شۋاعى ءتىپتى شالقىر ەمەس پە! بىرىنەن سوڭ ءبىرىن ىلە دۇنيەگە اكەلگەن اسىلبەك, اسى­لاي اتتى سابيلەر جاس اناسى دينارا قوجاحمەتوۆانى اتا-انا, اعا-جەڭگە, ءىنى-ءسىڭلىلى اينالىپ-تولعانۋدا شەك بولماۋى دا سوندىقتان ەدى. الدىنداعى ءۇش باۋىرى قۇشاعىنا ەكەۋىنىڭ بىردەن ەنۋى اۋىلدان قالاعا كەلىپ, جاڭا ءومىر ۇيىستىرعان داۋرەن مەن دينارا وتاۋلارىن ۇلكەن شاڭىراققا اينالدىرىپ جىبەرگەن-ءدى. الدى وتىزدان ەندى اسقان ەرلى-زايىپتىلاردىڭ وسىنشا جاستا كوپ بالالى بولۋلارىن جاراتقان سىيىنا, تاعدىر باقىتىنا بالاۋى ءسۇيسىن­تەرلىك ءسوز بولعانىن قالاي ايت­پايسىز. بيىلعى جىل سابيلەر سانىمەن ساۋلەلەنۋىنىڭ ودان سايىن جار­قىراي بەرمەكتىگىن جايعانداي جاي ەدى بۇل. بىلتىر وبلىستىق پەريناتالدىق ورتالىقتا 91 انا ەگىز بالاعا جارىق دۇنيە كوزىن اشتىرسا, بىرەۋى ۇشەمگە ءومىر بەردى. ءار ءسابيدى ايالى الاقاندارىنا الىپ, العاشقى قاناتىن اشقان ۇيا ديرەكتورىنىڭ ورىنباسارى الەكساندرا موتورگينا قۋانا ايتقانداي ۇرپاق تابيعي ءوسىمى جىلدان-جىلعا ۇلعايىپ كەلەدى ەكەن. مۇنىڭ الدىنداعى جىلعا قاراعاندا قاراعاندى قالاسىنىڭ وزىندە عانا 300 بالانىڭ ارتىق جانعا جان قوسۋى سونى كورسەتەر, كۇنبە-كۇنگى ءوسىپ-ونۋىمىزگە تاۋبە دەرلىك دەرەك. «قۇتتى قوناق كەلسە, قوي ەگىز تابادى», دەيدى قازاق. مە­رەي­لى مەرەكەلەرمەن, ايتۋلى وقي­عالارمەن ايشىقتالماق قوي جىلىنىڭ قاراعاندىدا ەگىزدەردەن باستالۋى جاقسى ىرىم نىشانى سياقتى. كوبەيۋ ەلگە كورىك, ەلدىككە تىرەك قوي. ەگىز ءسابي ساۋلەسى جىل ءسانى بولا تۇسكەي. ايقىن نەسىپباي, «ەگەمەن قازاقستان». قاراعاندى.