بۇل جولى سولتۇستىك قازاقستان وبلىسىنىڭ پەتروپاۆل قالاسىنا 25 توننا جۇك جونەلتىلدى, ونىڭ ىشىندە قۇرىلىس ماتەريالدارى-رافتەرلەر, شيفر, شەگە, ەمۋلسيا, كۇرەك, اربالار جانە 15 ميلليون تەڭگە تۇراتىن كوبىك وقشاۋلاعىش بار.
«كۇشىمىز بىرلىكتە ەكەنىن ەل باسىنا تۇسكەن سىندارلى ءسات كورسەتىپ وتىر. وسىنداي ىنتىماق-بىرلىگىمىز باردا بارلىق قيىندىقتى جەڭە الامىز. جالپى, الماتى وبلىسىنان بۇگىندە زارداپ شەككەن وڭىرلەرگە 300 توننادان استام گۋمانيتارلىق كومەك جىبەرىلدى. 171 تەحنيكا جەتكىزىلىپ, 500-دەن اسا ەرىكتى بارىپ, ۇلكەن سۋدان زارداپ شەككەن وڭىرلەردىڭ تۇرعىندارىنا كومەك كورسەتۋگە شەشىم قابىلدادى», دەپ اتاپ ءوتتى وبلىس اكىمى مارات سۇلتانعازيەۆ.
الماتى وبلىسى – ەتنوستار تىعىز قونىستانعان ايماقتىڭ ءبىرى. سول تۇرعىدا بۇل تابيعات سىناعى بارلىق ەتنوستىڭ ءبىرتۇتاس حالىق بولىپ بىرىگۋىنىڭ سيمۆولىنا اينالدى.
«بۇگىنگى تاڭدا اسسامبلەيانىڭ باستى مىندەتتەرىنىڭ ءبىرى – سۋ باسقان وڭىرلەردەگى وتانداستارىمىزعا كومەك كورسەتۋ. جاعداي تۇزەلمەيىنشە, ءبىز بۇل ءىستى جالعاستىرا بەرەمىز», دەيدى قحا مۇشەسى, وبلىستىق «سافار» تاجىك قوعامدىق بىرلەستىگىنىڭ توراعاسى, وبلىستىق اقساقالدار كەڭەسىنىڭ مۇشەسى قاروحون سوليحوۆ.
الماتى وبلىسى
