بۇل قارالى حاباردى قازاقستان جازۋشىلار وداعى راستادى. مارقۇمدى اقتىق ساپارعا شىعارىپ الۋ ءراسىمى 12 مامىردا ساعات 10.00-دە وتەدى.
- قازاقستاننىڭ حالىق جازۋشىسى قاليجان بەكحوجيننىڭ جارى زايدا بەكحوجينا دۇنيەدەن ءوتتى, - دەپ جازىلعان اقپارات كوزىنىڭ حابارلاماسىندا.
زايدا بەكحوجينا – سانالى عۇمىرىن ۇرپاق تاربيەسىنە ارناعان ۇلاعاتتى ۇستاز. ول ۇزاق جىل مەكتەپتە تاريح پانىنەن ساباق بەرگەن.
سونىمەن قاتار زايدا بەكحوجينا – اقىن, دراماتۋرگ, اۋدارماشى, قازاقستاننىڭ حالىق جازۋشىسى (1986), مەملەكەتتىك سىيلىقتىڭ يەگەرى قاليجان بەكحوجيننىڭ جۇبايى.
قاليجان بەكحوجيننىڭ ەسىمى قازاق ادەبيەتى تاريحىندا التىن ارىپپەن قالعان. جازۋشىعا "مەنىڭ زامانداستارىم" اتتى ەڭبەگى ءۇشىن قازاق كسر-ءىنىڭ اباي اتىنداعى مەملەكەتتىك سىيلىعى بەرىلگەن. سونداي-اق, جازۋشى ۇرپاقتى وتانشىلدىققا, ەل مەن جەردى سۇيۋگە باۋليتىن "جۋسان" پوەماسىن جازدى. ال اق ادال ماحاباتتىڭ ۇلگىسى رەتىندە ارتىنا "ماريام جاگورقىزى" سياقتى تىڭ تۋىندىلار قالدىردى.
